ರಾಜಸ್ಥಾನ ರಾಯಲ್ಸ್​ಗೆ ಇಂದು ಆರ್​ಸಿಬಿ ಎದುರು ವಿಶೇಷ ಪಿಂಕ್ ಜೆರ್ಸಿ! ಹೀಗಿದೆ ಕಾರಣ...

ಜೈಪುರ: ರಾಜಸ್ಥಾನ ರಾಯಲ್ಸ್​ ತಂಡ ಐಪಿಎಲ್​-17ರಲ್ಲಿ ಶನಿವಾರ ನಡೆಯಲಿರುವ ಪಂದ್ಯದಲ್ಲಿ ಆರ್​ಸಿಬಿ ತಂಡದ ವಿರುದ್ಧ ತನ್ನ ಎಂದಿನ ತಿಳಿ ನಸುಗೆಂಪು ಬಣ್ಣಕ್ಕೆ ಬದಲಾಗಿ ಕಡು ನಸುಗೆಂಪು ಬಣ್ಣದ ವಿಶೇಷ ಜೆರ್ಸಿಯಲ್ಲಿ ಕಣಕ್ಕಿಳಿಯಲಿದೆ. ರಾಜಸ್ಥಾನದ ಮಹಿಳೆಯರ ಸಬಲೀಕರಣಕ್ಕೆ ನೆರವಾಗುವುದೇ ಇದರ ಹಿಂದಿನ ಉದ್ದೇಶವಾಗಿದೆ.

ರಾಜಸ್ಥಾನ ರಾಯಲ್ಸ್ ತಂಡ ಈ ಪಂದ್ಯವನ್ನು ಮಹಿಳೆಯರಿಗೆ ಅರ್ಪಿಸುತ್ತಿದ್ದು, ವಿಶೇಷ ಪಿಂಕ್​ ಜೆರ್ಸಿಯಲ್ಲಿ ಕಣಕ್ಕಿಳಿಯಲಿದೆ. "ಪಿಂಕ್​ ಪ್ರಾಮಿಸ್​' ಅಭಿಯಾನದ ಅಂಗವಾಗಿ ರಾಜಸ್ಥಾನ ರಾಯಲ್ಸ್​ ತಂಡ ರಾಜಸ್ಥಾನದ ಗ್ರಾಮೀಣ ಭಾಗದ ಮಹಿಳೆಯರ ಸಬಲೀಕರಣಕ್ಕೆ ಬೆಂಬಲ ಸೂಚಿಸಲಿದೆ.

ಪಂದ್ಯದ ಪ್ರತಿ ಟಿಕೆಟ್​ನಲ್ಲಿ 100 ರೂ.ಗಳನ್ನು ಇದಕ್ಕೆ ಸಮರ್ಪಿಸಲಿದೆ. ಜತೆಗೆ "ಆಲ್​ ಪಿಂಕ್​ ರಾಯಲ್ಸ್​' ಜೆರ್ಸಿ ಮಾರಾಟದ ಮೊತ್ತವನ್ನೂ ಇದಕ್ಕೆ ವಿನಿಯೋಗಿಸಲಿದೆ. ರಾಜಸ್ಥಾನ-ಆರ್​ಸಿಬಿ ತಂಡಗಳು ಪಂದ್ಯದಲ್ಲಿ ಸಿಡಿಸುವ ಪ್ರತಿ ಸಿಕ್ಸರ್​ಗೆ ಜೈಪುರ ಜಿಲ್ಲೆಯ ಸಂಭರ್​ ಗ್ರಾಮದ ಪ್ರತಿ 6 ಮನೆಗಳಿಗೆ ಸೌರಶಕ್ತಿಯನ್ನು ಒದಗಿಸಲಿದೆ.

https://www.vijayavani.net/rohit-sharma-is-not-happy-with-hardik-pandyas-captaincy-at-the-mumbai-indians-and-could-leave-the-franchise-at-the-end-of-ipl-2024