ಮುಖ್ಯ ನ್ಯಾಯಮೂರ್ತಿ ಶರದ್ ಬೊಡ್ಬೆ ಹಾಗೂ ಎಲ್.ನಾಗೇಶ್ವರ್ ರಾವ್ ಒಳಗೊಂಡ ನ್ಯಾಯಪೀಠ ಬುಧವಾರ ವರ್ಚುವಲ್ ಮೂಲಕ ಕೆಲಸಮಯ ಪ್ರಕರಣದ ವಿಚಾರಣೆ ನಡೆಸಿ ಬಳಿಕ, ಎರಡು ವಾರಗಳ ಬಳಿಕ ಸಮಗ್ರ ವಿಚಾರಣೆ ನಡೆಸಲಾಗುವುದು ಎಂದು ತಿಳಿಸಿದೆ. ಲೋಧಾ ಸಮಿತಿ ವರದಿ ಶಿಫಾರಸಿನ ಪ್ರಕಾರ, ಗಂಗೂಲಿ ಅವಧಿ ಜುಲೈ 27ಕ್ಕೆ ಅಂತ್ಯಗೊಳ್ಳಲಿದ್ದರೆ, ಜಯ್ ಷಾ ಅವಧಿ ಕಳೆದ ತಿಂಗಳೇ ಮುಕ್ತಾಯಗೊಂಡಿದೆ. ಬಿಸಿಸಿಐ ನಿಯಮ ಪ್ರಕಾರ ಬಿಸಿಸಿಐ ಅಥವಾ ರಾಜ್ಯ ಸಂಸ್ಥೆಗಳಲ್ಲಿ ಸತತ ಎರಡು ಅವಧಿಯ (ತಲಾ 3 ವರ್ಷ) ಆಡಳಿತದ ಬಳಿಕ ಕೂಲಿಂಗ್-ಆಫ್ ಕಡ್ಡಾಯವಾಗಿರುತ್ತದೆ. ಅಂದರೆ ಮತ್ತೆ 3 ವರ್ಷಗಳ ಕಾಲ ಯಾವುದೇ ಅಧಿಕಾರದಲ್ಲಿರುವಂತಿಲ್ಲ. ಗಂಗೂಲಿ ಬಿಸಿಸಿಐ ಅಧ್ಯಕ್ಷರಾಗುವುದಕ್ಕೂ ಮುನ್ನ ಬಂಗಾಳ ಕ್ರಿಕೆಟ್ ಸಂಸ್ಥೆ ಕಾರ್ಯದರ್ಶಿ, ಅಧ್ಯಕ್ಷರಾಗಿದ್ದರೆ, ಜಯ್ ಷಾ ಗುಜರಾತ್ ಕ್ರಿಕೆಟ್ ಸಂಸ್ಥೆ ಕಾರ್ಯದರ್ಶಿಯಾಗಿದ್ದರು.
