ಸಚಿನ್ ತೆಂಡುಲ್ಕರ್ ಭಾರತದ ಬ್ಯಾಟಿಂಗ್ ಮಾಂತ್ರಿಕ ಎಂಬುದರಲ್ಲಿ ಎರಡು ಮಾತಿಲ್ಲ. ಜತೆಗೆ ಹಲವು ದಾಖಲೆಗಳ ಒಡೆಯನಾದರೂ ನಾಯಕತ್ವದಲ್ಲಿ ಸಂಪೂರ್ಣ ವೈಫಲ್ಯ ಅನುಭವಿಸಿದರು. 2000ರಲ್ಲಿ ಸಚಿನ್ ನಾಯಕತ್ವದಲ್ಲಿ ಭಾರತ ಆಸ್ಟ್ರೇಲಿಯಾ ಪ್ರವಾಸ ಕೈಗೊಂಡಿತ್ತು. ಆದರೆ, ಟೆಸ್ಟ್ ಸರಣಿಯಲ್ಲಿ 0-3 ರಿಂದ ಸೋತರೆ, ತ್ರಿಕೋನ ಏಕದಿನ ಸರಣಿಯಲ್ಲಿ ಆಡಿದ 14 ಪಂದ್ಯಗಳಲ್ಲಿ ಕೇವಲ ಒಂದು ಗೆಲುವು ಕಂಡಿತ್ತು. ಬಳಿಕ ದಕ್ಷಿಣ ಆಫ್ರಿಕಾ ವಿರುದ್ಧದ ಸರಣಿಯಲ್ಲೂ ಭಾರತ ಸೋಲು ಕಂಡಿತ್ತು. ಇದರಿಂದ ಬೇಸರಗೊಂಡ ಸಚಿನ್, ಬ್ಯಾಟಿಂಗ್ ಮೇಲೆ ನಿಗಾವಹಿಸುವ ಸಲುವಾಗಿ ನಾಯಕತ್ವ ತ್ಯಜಿಸುವುದಾಗಿ ಹೇಳಿದ್ದರಂತೆ. ಇದಕ್ಕೆ ಆಯ್ಕೆ ಸಮಿತಿ ಒಪ್ಪಿಕೊಳ್ಳದಿದ್ದರೂ ಸಚಿನ್ ಮಾತ್ರ ತಮ್ಮನಿಲುವು ಬದಲಿಸಲಿಲ್ಲವಂತೆ. ಈ ವೇಳೆ ತಂಡದ ಆಡಳಿತ ಮಂಡಳಿಗೆ ಸೌರವ್ ಗಂಗೂಲಿ ಪಟ್ಟ ನೀಡಿತು.
