ವಿಆರ್​​​ಎಲ್​ ಬಸ್​​ ವರ್ಕ್​ಶಾಪ್: ಬ್ಯಾಟ್​ ಹಿಡಿದು ಅಭಿಮಾನಿಗಳೊಂದಿಗೆ ಆಟವಾಡಿದ ಶ್ರೇಯಾಂಕಾ ಪಾಟೀಲ್

ಬೆಂಗಳೂರು: ಆರ್​ಸಿಬಿ ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದ ಶ್ರೇಯಾಂಕಾ ಪಾಟೀಲ್ ಕನ್ನಡತಿ ಅನ್ನೋದು ಹೆಮ್ಮೆಯ ವಿಚಾರ. ಕನ್ನಡದ ಮುದ್ದು ಸುಂದರಿ, ಕರ್ನಾಟಕದ ಕ್ರಶ್ ಎಂದೇ ಫೇಮಸ್​​ ಆಗಿರುವ ಶ್ರೇಯಾಂಕ ಪಾಟೀಲ್​ ನಿನ್ನೆ ಭಾನುವಾರ ವಿಜಯಾನಂದ ಟ್ರಾವಲ್ಸ್​ ವತಿಯಿಂದ ಹಮ್ಮಿಕೊಳ್ಳಲಾದ ವಿಆರ್​​ಎಲ್​ ಬಸ್​​ ವರ್ಕ್​ಶಾಪ್​ ಫ್ಯಾನ್ಸ್​ ಮೀಟ್​ ಆಂಡ್​ ಗ್ರೀಟ್​​ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು.

ಈ ಸಂದರ್ಭದಲ್ಲಿ ಅಭಿಮಾನಿಗಳ ಪ್ರಶ್ನೆಗೆ ಉತ್ತರಿಸಿದರಲ್ಲದೆ, ಆಫ್​ ಸ್ಪಿನ್​ ಬೌಲಿಂಗನ್ನೂ ಮಾಡಿದ್ದಾರೆ. ಕಾರ್ಯಕ್ರಮದಲ್ಲಿ ಶ್ರೇಯಾಂಕಾ ಅವರ ಜತೆಗೆ ಕ್ರಿಕೆಟ್​​ ಆಡಲು ಕಂಟೆಸ್ಟ್ ಆಯೋಜಿಸಲಾಗಿದ್ದು, ಇದರಲ್ಲಿ ವಿಜೇತರಾದವರು ಶ್ರೇಯಾಂಕಾ ಜತೆಗೆ ಕ್ರಿಕೆಟ್​​ ಆಡಿ ಫುಲ್​ ಖುಷ್​ ಆದರು.

ಚಿಕ್ಕ ಮಕ್ಕಳಿಂದ ಹಿಡಿದು ದೊಡ್ಡವರ ತನಕ ಶ್ರೇಯಾಂಕಾ ಬೌಲಿಂಗ್​ಗೆ ಬ್ಯಾಟ್​​ ಮಾಡಿ ಸಂತಸ ವ್ಯಕ್ತಪಡಿಸಿದರು. ತದನಂತರದ ಫ್ಯಾನ್ಸ್​​ ಕ್ವೆಸ್ಚನಿಂಗ್​ ಸೆಶನ್​ನಲ್ಲಿ ಶ್ರೇಯಾಂಕ ಉತ್ತರಿಸಿದರು. ಅಲ್ಲದೇ ತಾವು ಸೈನ್​ ಮಾಡಿದ್ದ ಬಾಲ್​ ಮತ್ತು ಬ್ಯಾಟ್​​ಗಳನ್ನ ಅಭಿಮಾನಿಗಳಿಗೆ ವಿತರಿಸಿದರು.

ವಿಜಯಾನಂದ ಟ್ರಾವೆಲ್ಸ್​ ಆಯೋಜಿಸಿದ್ದ ಈ ಕಾರ್ಯಕ್ರಮದಲ್ಲಿ ಶ್ರೇಯಾಂಕಾ ಅಭಿಮಾನಿಗಳು ನಾ ಮುಂದು ತಾಮುಂದೆಂದು ಕಾರ್ಯಕ್ರಮದಲ್ಲಿ ಭಾಗವಹಿಸಿದರು.