ಭಾರತ ಮಹಿಳಾ ತಂಡದಿಂದ ಶೆಫಾಲಿ ವರ್ಮಗೆ ಕೊಕ್​; ಕನ್ನಡತಿ ಶ್ರೇಯಾಂಕಾ ಗಾಯದಿಂದ ಅಲಭ್ಯ

ನವದೆಹಲಿ: ಆರಂಭಿಕ ಬ್ಯಾಟುಗಾರ್ತಿ ಶೆಫಾಲಿ ವರ್ಮ ಕಳಪೆ ಫಾರ್ಮ್​ ಹಿನ್ನೆಲೆಯಲ್ಲಿ ಮುಂಬರುವ ಆಸ್ಟ್ರೆಲಿಯಾ ಪ್ರವಾಸದ ಮಹಿಳೆಯರ ಏಕದಿನ ಸರಣಿಗೆ ಭಾರತ ತಂಡದಿಂದ ಹೊರಬಿದ್ದಿದ್ದಾರೆ. ಡಿಸೆಂಬರ್​ 3ರಿಂದ ನಡೆಯಲಿರುವ 3 ಪಂದ್ಯಗಳ ಸರಣಿಗೆ ಬಿಸಿಸಿಐ ಮಂಗಳವಾರ 16 ಆಟಗಾರ್ತಿಯರ ಭಾರತ ತಂಡವನ್ನು ಪ್ರಕಟಿಸಿದ್ದು, ಕನ್ನಡತಿ ಶ್ರೇಯಾಂಕಾ ಪಾಟೀಲ್​ ಗಾಯದಿಂದಾಗಿ ಅಲಭ್ಯರಾಗಿದ್ದಾರೆ.

20 ವರ್ಷದ ಶೆಫಾಲಿ ಇತ್ತೀಚೆಗೆ ಏಕದಿನ ಮಾದರಿಯಲ್ಲಿ ರನ್​ಬರ ಎದುರಿಸಿದ್ದು, ಹಾಲಿ ವರ್ಷ ಆಡಿದ 6 ಇನಿಂಗ್ಸ್​ಗಳಲ್ಲಿ 108 ರನ್​ ಮಾತ್ರ ಗಳಿಸಿದ್ದಾರೆ. ಈ ಪೈಕಿ 33 ರನ್​ ಗಳಿಸಿರುವುದೇ ಗರಿಷ್ಠವಾಗಿದೆ. ಕಳೆದ ಕಿವೀಸ್​ ವಿರುದ್ಧದ ತವರಿನ ಸರಣಿಯಲ್ಲಿ ಆಡಿದ್ದ ಉಮಾ ಛೇಟ್ರಿ, ಡಿ. ಹೇಮಲತಾ ಮತ್ತು ಸಯಾಲಿ ಸಟ್ಘರೆ ಕೂಡ ಹೊರಬಿದ್ದಿದ್ದಾರೆ.

ಹರ್ಲೀನ್​ ಡಿಯೋಲ್​, ಮಿನ್ನು ಮಣಿ, ಟಿಟಾಸ್​ ಸಾಧು ಮತ್ತು ಪ್ರಿಯಾ ಪೂನಿಯಾ ತಂಡಕ್ಕೆ ಮರಳಿದ್ದಾರೆ. 12ನೇ ತರಗತಿ ಪರೀೆಯಿಂದಾಗಿ ಕಿವೀಸ್​ ಸರಣಿಗೆ ಗೈರಾಗಿದ್ದ ವಿಕೆಟ್​ ಕೀಪರ್​-ಬ್ಯಾಟರ್​ ರಿಚಾ ಘೋಷ್​ ಕೂಡ ವಾಪಸ್​ ಆಗಿದ್ದಾರೆ. ಆಶಾ ಶೋಭನಾ ಮತ್ತು ಪೂಜಾ ವಸ್ತ್ರಾಕರ್​ ಗಾಯದಿಂದಾಗಿ ಹೊರಗುಳಿದಿದ್ದಾರೆ.

ತಂಡ: ಹರ್ಮಾನ್​ಪ್ರೀತ್​ ಕೌರ್​ (ನಾಯಕಿ), ಸ್ಮ$ತಿ ಮಂದನಾ (ಉಪನಾಯಕಿ), ಪ್ರಿಯಾ ಪೂನಿಯಾ, ಜೆಮೀಮಾ ರೋಡ್ರಿಗಸ್​, ಹರ್ಲೀನ್​ ಡಿಯೋಲ್​, ಯಸ್ತಿಕಾ ಭಾಟಿಯಾ (ವಿ.ಕೀ), ರಿಚಾ ಘೋಷ್​ (ವಿ.ಕೀ), ತೇಜಲ್​ ಹಸಬ್ನಿಸ್​, ದೀಪ್ತಿ ಶರ್ಮ, ಮಿನ್ನು ಮಣಿ, ಪ್ರಿಯಾ ಮಿಶ್ರಾ, ರಾಧಾ ಯಾದವ್​, ಟಿಟಾಸ್​ ಸಾಧು, ಅರುಂಧತಿ ರೆಡ್ಡಿ, ರೇಣುಕಾ ಸಿಂಗ್​, ಸೈಮಾ ಠಾಕೊರ್​.

https://www.vijayavani.net/indias-home-odi-world-cup-final-bitter-memory-one-year