ಡಿ.26ರಿಂದ ನಡೆಯಲಿರುವ ಮೆಲ್ಬೋರ್ನ್ ಟೆಸ್ಟ್ ಹಾಗೂ ಜ. 3ರಿಂದ ನಡೆಯಲಿರುವ ಸಿಡ್ನಿ ಟೆಸ್ಟ್ನಲ್ಲಿ ಶಮಿ ಭಾರತ ಪರ ಕಣಕ್ಕಿಳಿಯುವ ನಿರೀಕ್ಷೆ ಇದೆ. 2023ರ ಜೂನ್ನಲ್ಲಿ ಕೊನೆಯದಾಗಿ ಟೆಸ್ಟ್ ಪಂದ್ಯವನ್ನಾಡಿದ್ದ ಶಮಿ, ಮೊಣಕಾಲಿನ ಗಾಯದಿಂದಾಗಿ ಒಂದು ವರ್ಷದ ವಿರಾಮದ ನಂತರ ದೇಶೀಯ ಟೂರ್ನಿಯಲ್ಲಿ ಯಶಸ್ವಿ ಪುನರಾಗಮನ ಮಾಡಿದ್ದಾರೆ. ರಾಷ್ಟ್ರೀಯ ಆಯ್ಕೆ ಸಮಿತಿಯು ಟೆಸ್ಟ್ ತಂಡದಲ್ಲಿ ಶಮಿ ಸೇರ್ಪಡೆಗಾಗಿ ಎನ್ಸಿಎಯಿಂದ ಇತ್ತೀಚಿನ ಫಿಟ್ನೆಸ್ ಪರೀಕ್ಷೆಯ ವರದಿಗಾಗಿ ಕಾಯುತ್ತಿದೆ. ಎನ್ಸಿಎ ಸಂಪೂರ್ಣ ವರದಿ ಬಿಸಿಸಿಐ ಕೈ ಸೇರುವವರೆಗೂ 34 ವರ್ಷದ ಶಮಿ, ಸಯ್ಯದ್ ಮುಷ್ತಾಕ್ ಅಲಿ ಟ್ರೋಫಿ ಟಿ20ಯ ನಾಕೌಟ್ನಲ್ಲಿ ಬಂಗಾಳ ಪರ ಆಡಲಿದ್ದಾರೆ.
