ಇದರ ಪರಿಣಾಮ ನೆಟ್ಟಗಿರಲ್ಲ… ಭಾರೀ ಚರ್ಚೆಯಾಗ್ತಿದೆ ಶಾಹೀನ್ ಅಫ್ರಿದಿ ಕೊಟ್ಟ ಎಚ್ಚರಿಕೆ ಸಂದೇಶ

ಪಾಕಿಸ್ತಾನ: ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (PCB) ಟಿ-20ಐ ಕ್ಯಾಪ್ಟನ್ಸಿಯಿಂದ ಅನೌಪಚಾರಿಕವಾಗಿ ವಜಾಗೊಳಿಸಿದ ಒಂದು ವಾರದ ಬಳಿಕ ಪಾಕಿಸ್ತಾನ ತಂಡದ ವೇಗಿ ಶಾಹೀನ್ ಅಫ್ರಿದಿ ತಮ್ಮ ಇನ್‌ಸ್ಟಾಗ್ರಾಮ್ ಸ್ಟೋರಿಯಲ್ಲಿ ಪರೋಕ್ಷವಾಗಿ ಪೋಸ್ಟ್​ವೊಂದನ್ನು ಹಂಚಿಕೊಂಡಿದ್ದು, ಈ ಮೂಲಕ ಎಚ್ಚರಿಕೆಯ ಸಂದೇಶವನ್ನು ರವಾನಿಸಿದ್ದಾರೆ.

ಇದನ್ನೂ ಓದಿ: ಬಿಜೆಪಿ ಸೇರ್ಪಡೆಗೂ ಮುನ್ನ ಅಂಬಿ ಸಮಾಧಿಗೆ ಪೂಜೆ ಸಲ್ಲಿಸಿದ ಸುಮಲತಾ

ಕಳೆದ ವರ್ಷ ಏಕದಿನ ವಿಶ್ವಕಪ್‌ನಲ್ಲಿ ಪಾಕಿಸ್ತಾನ ತಂಡ ನೀಡಿದ ನಿರಾಶಾದಾಯಕ ಪ್ರದರ್ಶನದ ಬೆನ್ನಲ್ಲೇ ಬಾಬರ್ ಅಜಮ್ ತಮ್ಮ ನಾಯಕತ್ವದ ಜವಾಬ್ದಾರಿಯನ್ನು ತ್ಯಜಿಸಿ, ಕ್ಯಾಪ್ಟನ್​ ಸ್ಥಾನ ಬೇಡ ಎಂದು ಹಿಂದೆ ಸರಿದಿದ್ದರು. ತದನಂತರ ಶಾಹೀನ್ ಅಫ್ರಿದಿ ಪಾಕಿಸ್ತಾನದ ಟಿ-20 ತಂಡದ ನಾಯಕತ್ವವನ್ನು ವಹಿಸಿಕೊಂಡರು. ಶಾನ್ ಮಸೂದ್ ಟೆಸ್ಟ್ ತಂಡದ ನಾಯಕರನ್ನಾಗಿ ನೇಮಿಸಲಾಯಿತು.

ನ್ಯೂಜಿಲೆಂಡ್ ವಿರುದ್ಧದ ಐದು ಪಂದ್ಯಗಳ ಸರಣಿಯೊಂದಿಗೆ ತಮ್ಮ ಟಿ-20 ಕ್ಯಾಪ್ಟನ್ಸಿಯನ್ನು ಪ್ರಾರಂಭಿಸಿದ ಅಫ್ರಿದಿ, ಕಿವೀಸ್ ವಿರುದ್ಧ ಪಾಕಿಸ್ತಾನ 4-1 ಅಂತರದಲ್ಲಿ ಸರಣಿ ಸೋತಿದ್ದರು. ಅದಾದ ಬಳಿಕ 2024ರ ನ್ಯೂಜಿಲೆಂಡ್ ವಿರುದ್ಧದ ಟಿ-20 ಸರಣಿ ಮತ್ತು ವಿಶ್ವಕಪ್ 2024ಕ್ಕೂ ಮುನ್ನ ಬಾಬರ್ ಅಜಮ್​ರನ್ನು ವೈಟ್​ಬಾಲ್ ನಾಯಕನಾಗಿ ಮರು ನೇಮಕಗೊಳಿಸಿದ್ದರಿಂದ ಕೊಂಚ ಅಪಸ್ವರ ಭುಗಿಲೆದ್ದಿದೆ.

ಇದನ್ನೂ ಓದಿ: ರಾಮೇಶ್ವರಂ ಕೆಫೆ ಸ್ಫೋಟ ಪ್ರಕರಣ: ಬಿಜೆಪಿಯ ಮುಖಂಡನನ್ನು ವಿಚಾರಣೆಗೆ ಒಳಪಡಿಸಿದ ಎನ್ಐಎ!?  

ಇನ್​ಸ್ಟಾಗ್ರಾಮ್​ ಸ್ಟೋರಿಯಲ್ಲಿ ಕ್ರಿಪ್ಟಿಕ್​ ಪೋಸ್ಟ್​ವೊಂದನ್ನು ಹಂಚಿಕೊಂಡಿರುವ ಶಾಹೀನ್ ಅಫ್ರಿದಿ, ತನ್ನನ್ನು ಪಾಕಿಸ್ತಾನ ಕ್ರಿಕೆಟ್ ಮಂಡಳಿ (ಪಿಸಿಬಿ) ನಾಯಕತ್ವದಿಂದ ವಜಾಗೊಳಿಸುವ ನಿರ್ಧಾರದ ಬಗ್ಗೆ ಪರೋಕ್ಷವಾಗಿ ತಮ್ಮ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. "ನಾನು ಎಷ್ಟು ಕ್ರೂರಿ ಮತ್ತು ನಿರ್ದಯ ಎಂಬುದನ್ನು ಸಾಬೀತು ಮಾಡುವಂತೆ ಮಾಡಬೇಡಿ. ಆ ಸ್ಥಾನದಲ್ಲಿ ನನ್ನನ್ನು ಎಂದಿಗೂ ಇರಿಸಬೇಡಿ. ನನ್ನ ತಾಳ್ಮೆಯನ್ನು ಪರೀಕ್ಷಿಸಬೇಡಿ. ಏಕೆಂದರೆ ನೀವು ಭೇಟಿಯಾದ ವ್ಯಕ್ತಿಗಳಲ್ಲಿ ತುಂಬ ಸಾಫ್ಟ್​ ಮತ್ತು ಸ್ವೀಟೆಸ್ಟ್​ ವ್ಯಕ್ತಿ ನಾನು. ಒಂದು ಸಲ ನನ್ನ ಲಿಮಿಟ್​ ನಾನು ಕಳೆದುಕೊಂಡ್ರೆ, ನೀವು ಊಹಿಸಲು ಸಾಧ್ಯವಿಲ್ಲ ಅಂತಹ ಕೆಲಸವನ್ನು ಮಾಡ್ತೀನಿ" ಎಂದಿದ್ದಾರೆ.

ಸದ್ಯ ಆಫ್ರಿದಿ ಮಾಡಿರುವ ಈ ಒಂದು ಪೋಸ್ಟ್​ ಪಾಕಿಸ್ತಾನ ಕ್ರಿಕೆಟ್​ನಲ್ಲಿ ಬಹಳ ಚರ್ಚೆಗೆ ಗ್ರಾಸವಾಗಿದೆ,(ಏಜೆನ್ಸೀಸ್).

https://www.vijayavani.net/woman-demands-more-salary-from-the-groom

https://www.vijayavani.net/this-women-is-a-mother-of-22-kids