PHOTOS: ಧೋನಿ ಹುಟ್ಟುಹಬ್ಬಕ್ಕೆ ಭಾವನಾತ್ಮಕವಾಗಿ ಶುಭಕೋರಿದ ಪತ್ನಿ ಸಾಕ್ಷಿ ಸಿಂಗ್​​

ರಾಂಚಿ: ಭಾರತ ತಂಡದ ಮಾಜಿ ನಾಯಕ ಎಂಎಸ್​ ಧೋನಿ ಹುಟ್ಟುಹಬ್ಬಕ್ಕೆ ವಿಶ್ವ ಕ್ರಿಕೆಟ್​ ವಲಯದಿಂದ ಶುಭಾಶಯಗಳ ಮಹಾಪೂರವೇ ಹರಿದುಬರುತ್ತಿದೆ. ಧೋನಿ ಪತ್ನಿ ಸಾಕ್ಷಿ ಸಿಂಗ್​ ಮಾತ್ರ ತಮ್ಮ ಪತಿಗೆ ಭಾವನಾತ್ಮಕವಾಗಿ ಸಂದೇಶ ನೀಡಿದ್ದಾರೆ. ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯರಾಗಿರುವ ಧೋನಿ ಪತ್ನಿ, ಮಂಗಳವಾರ ಇನ್​ಸ್ಟಾಗ್ರಾಂನಲ್ಲಿ 4 ಸಾಲುಗಳಲ್ಲಿ ಧೋನಿ ಕುರಿತು ಬರೆದುಕೊಂಡಿದ್ದಾರೆ. ಧೋನಿ ಸಾಮಾಜಿಕ ಜಾಲತಾಣಗಳಿಂದ ದೂರು ಇರುವುದರಿಂದ ಅಭಿಮಾನಿಗಳ ಪಾಲಿಗೆ ಸಾಕ್ಷಿಯೇ ಪ್ರಮುಖ ಕೊಂಡಿದ್ದಾರೆ.

ಇದನ್ನೂ ಓದಿ: VIDEO: ಧೋನಿ ಹುಟ್ಟುಹಬ್ಬಕ್ಕೆ ಶುಭಾಶಯಗಳ ಮಹಾಪೂರ

ನೀವು ಹುಟ್ಟಿದ ದಿನದ ಗುರುತು ಇದು. ಮತ್ತೊಂದು ವರ್ಷ ಬಂದಿದೆ. ತಲೆ ಕೂದಲು ಸ್ವಲ್ಪ ಜಾಸ್ತಿ ಬಿಳಿಯಾಗಿದ್ದರೂ ನೀವು ಮತ್ತಷ್ಟು ಸ್ಮಾರ್ಟ್​ ಹಾಗೂ ಸಿಹಿಯಾಗಿರುವಿರಿ (ನಿಜವಾಗಿಯೂ). ಶುಭಾಶಯಗಳು, ಉಡುಗೊರೆಗಳಿಗೆ ಬೀಗುವುದಿಲ್ಲ, ಕೇಕ್​ ಕಟ್ಟಿಂಗ್​ ಹಾಗೂ ಕ್ಯಾಂಡಲ್​ ಹಚ್ಚಿಸುವ ಮೂಲಕ ಮತ್ತೊಂದು ವರ್ಷವನ್ನು ಆಚರಿಸಿಸೋಣ ಎಂದು ಪತಿ ಧೋನಿ ಕುರಿತು ಸಾಕ್ಷಿ ಸಿಂಗ್​ ಭಾವನಾತ್ಮಕ ಸಂದೇಶದೊಂದಿಗೆ ಬರೆದುಕೊಂಡಿದ್ದಾರೆ. ಫಾರ್ಮ್​ ಹೌಸ್​ನಲ್ಲಿ ಧೋನಿ ನಾಯಿಗಳೊಂದಿಗೆ ಇರುವ ಫೋಟೋಗಳನ್ನು ಪ್ರಕಟಿಸಿದ್ದಾರೆ. ಧೋನಿ ಹಾಗೂ ಸಾಕ್ಷಿ ಜೋಡಿ ಜುಲೈ 4 ರಂದು 10ನೇ ವರ್ಷ ವಿವಾಹ ವಾಷಿರ್ಕೋತ್ಸವ ಆಚರಿಸಿಕೊಂಡಿತ್ತು.

ಇದನ್ನೂ ಓದಿ: ಜಿಮ್ನಾಸ್ಟಿಕ್ಸ್​ ಕೋಚ್​ಗಳ ಕರಾಳ ಮುಖ ಅನಾವರಣ ಮಾಡಿದ ಮಾಜಿ ಜಿಮ್ನಾಸ್ಟ್​ಗಳು…!

ಭಾರತದ ತಂಡದ ಹಾಲಿ ಹಾಗೂ ಮಾಜಿ ಆಟಗಾರರು ಧೋನಿ ಹುಟ್ಟುಹಬ್ಬಕ್ಕೆ ಸಾಮಾಜಿಕ ಜಾಲತಾಣಗಳ ಮೂಲಕ ಶುಭಾಶಯ ಕೋರುತ್ತಿದ್ದಾರೆ. ಸಿಎಸ್​ಕೆ ತಂಡದ ಆಲ್ರೌಂಡರ್​ ಡ್ವೇನ್​ ಬ್ರಾವೊ ವಿಶೇಷ ಆಲ್ಪಂ ಬಿಡುಗಡೆ ಮಾಡಿದ್ದಾರೆ. 2019ರ ಏಕದಿನ ವಿಶ್ವಕಪ್​ ಸೆಮಿಫೈನಲ್​ನಲ್ಲಿ ನ್ಯೂಜಿಲೆಂಡ್​ ಎದುರು ಸೋತ ಬಳಿಕ ಧೋನಿ ಕ್ರಿಕೆಟ್​ನಿಂದ ದೂರ ಉಳಿದಿದ್ದಾರೆ. ಐಪಿಎಲ್​ನಲ್ಲಿ ಆಡಲು ಚೆನ್ನೈ ಆಗಮಿಸಿದರೂ ಕರೊನಾ ವೈರಸ್​ ಲಾಕ್​ಡೌನ್​ನಿಂದಾಗಿ ತವರಿಗೆ ವಾಪಸಾಗಿದ್ದರು.