ನಡೆಯಲಾಗದ ಪರಿಸ್ಥಿತಿಯಲ್ಲಿ ಮಾಜಿ ಕ್ರಿಕೆಟಿಗ ವಿನೋದ್​ ಕಾಂಬ್ಳಿ! ಸ್ನೇಹಿತನ ಸಹಾಯಕ್ಕೆ ಮುಂದಾದ 'ಮಾಸ್ಟರ್​ಬ್ಲಾಸ್ಟರ್'​

ನವದೆಹಲಿ: ಟೀಮ್ ಇಂಡಿಯಾದ ಮಾಜಿ ಹಿರಿಯ ಕ್ರಿಕೆಟಿಗ ವಿನೋದ್ ಕಾಂಬ್ಳಿ ಅವರು ನಡೆಯಲಾಗದ ಪರಿಸ್ಥಿತಿಯಲ್ಲಿರುವ ದೃಶ್ಯವೊಂದು ನಿನ್ನೆ (ಆ.05) ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕವಾಗಿ ಹರಿದಾಡಿತ್ತು. ಈ ವಿಡಿಯೋ ನೋಡಿದ ಕ್ರಿಕೆಟ್ ದಿಗ್ಗಜ, 'ಮಾಸ್ಟರ್​ಬ್ಲಾಸ್ಟರ್'​ ಸಚಿನ್ ತೆಂಡೂಲ್ಕರ್​, ತಮ್ಮ ಸ್ನೇಹಿತನ ಪರಿಸ್ಥಿತಿ ಕಂಡು ದುಃಖಿತರಾಗಿದ್ದಾರೆ. ತಕ್ಷಣವೇ ಅವರ ನೆರವಿಗೆ ಮುಂದಾಗಿರುವ ಸಚಿನ್​, ಕಂಬ್ಲಿ ಆರೋಗ್ಯ ಸ್ಥಿತಿ ಹೇಗಿದೆ ಎಂದು ವಿಚಾರಿಸಿದ್ದಾರೆ.

ಇದನ್ನೂ ಓದಿ: SIT ತನಿಖೆ ನಿಷ್ಪಕ್ಷಪಾತವಾಗಿ ನಡೆಯುತ್ತಿಲ್ಲ ಎಂಬುದಕ್ಕೆ ಮತ್ತೊಂದು ಸಾಕ್ಷಿ ಇದು: ಆರ್​. ಅಶೋಕ್

52 ವರ್ಷ ವಯಸ್ಸಿನ ವಿನೋದ್ ಕಾಂಬ್ಳಿ ಅವರು ಭಾರತೀಯ ಕ್ರಿಕೆಟ್ ತಂಡದಲ್ಲಿ ಎಡಗೈ ಬ್ಯಾಟರ್ ಆಗಿ ಮಧ್ಯಮ ಕ್ರಮಾಂಕದಲ್ಲಿ ಕಣಕ್ಕಿಳಿಯುತ್ತಿದ್ದರು. ಕ್ರಿಕೆಟ್ ವೃತ್ತಿಯಲ್ಲಿ ಉತ್ತಮ ಹೆಸರು ಸಂಪಾದಿಸಿರುವ ವಿನೋದ್​ ಅವರು, 2009ರಲ್ಲಿ ಅಂತಾರಾಷ್ಟ್ರೀಯ ಕ್ರಿಕೆಟ್​ಗೆ ನಿವೃತ್ತಿ ಘೋಷಿಸಿ, ಕ್ರೀಡಾ ಲೋಕಕ್ಕೆ ಗುಡ್​ಬೈ ಹೇಳಿದ್ದರು. ಆದ್ರೆ, ಇತ್ತೀಚಿನ ದಿನಗಳಲ್ಲಿ ಅವರ ಆರೋಗ್ಯದಲ್ಲಿ ಭಾರೀ ವ್ಯತ್ಯಾಸ ಕಂಡುಬಂದಿದ್ದು, ಸರಿಯಾಗಿ ನಡೆಯಲಾರದ ಸ್ಥಿತಿಯಲ್ಲಿರುವುದು ವೈರಲ್​ ವಿಡಿಯೋಗಳ ಮೂಲಕ ಸ್ಪಷ್ಟವಾಗಿದೆ.

ಅನಾರೋಗ್ಯದಿಂದ ಒದಾಡುತ್ತಿರುವ ಕಾಂಬ್ಳಿ, ಜನಸಂದಣಿಯಿರುವ ಸ್ಥಳದಲ್ಲಿ ನಡೆದಾಡಲು ಪರದಾಡುತ್ತಿರುವ ದೃಶ್ಯವನ್ನು ಸ್ಥಳೀಯರೊಬ್ಬರು ತಮ್ಮ ಮೊಬೈಲ್ ಕ್ಯಾಮರಾದಲ್ಲಿ ಸೆರೆಹಿಡಿದು, ಅದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಕ್ಷಣಮಾತ್ರದಲ್ಲಿ ವೈರಲ್ ಆದ ವಿಡಿಯೋ ಕಂಡು ದಂಗಾದ ನೆಟ್ಟಿಗರು, ಸಚಿನ್​ರನ್ನು ಟ್ಯಾಗ್ ಮಾಡಿ, ಸಹಾಯಹಸ್ತ ನೀಡುವಂತೆ ಮನವಿ ಮಾಡಿದರು. ಕೂಡಲೇ ಮಾಹಿತಿ ಕಲೆಹಾಕಿದ ಸಚಿನ್​, ಇದೀಗ ವಿನೋದ್ ಸಹಾಯಕ್ಕೆ ಮುಂದಾಗಿದ್ದಾರೆ. ತಮ್ಮ ಬಾಲ್ಯ ಸ್ನೇಹಿತನ ಕಷ್ಟಕ್ಕೆ ಸ್ಪಂದಿಸಿದ ಸಚಿನ್​ಗೆ ಇದೀಗ ಜಾಲತಾಣಗಳಲ್ಲಿ ಭಾರೀ ಮೆಚ್ಚುಗೆಗಳು ಹರಿದುಬರುತ್ತಿವೆ.

https://www.vijayavani.net/school-kids-tears-as-thier-favourite-teacher-leaves-school