ಈಗಾಗಲೆ ಐಪಿಎಲ್ನಲ್ಲೂ ಮಿಂಚಿರುವ ನಾಲ್ವರು ಆರಂಭಿಕರಾದ ಶುಭಮಾನ್ ಗಿಲ್, ಯಶಸ್ವಿ ಜೈಸ್ವಾಲ್, ಇಶಾನ್ ಕಿಶನ್ ಮತ್ತು ಋತುರಾಜ್ ಗಾಯಕ್ವಾಡ್ ಈಗಾಗಲೆ ಟಿ20 ವಿಶ್ವಕಪ್ ತಂಡದ ರೇಸ್ನಲ್ಲಿದ್ದಾರೆ. ಒಂದು ವೇಳೆ ಇವರು ನಿರೀಕ್ಷಿತ ನಿರ್ವಹಣೆ ತೋರದಿದ್ದರೆ ಮಾತ್ರ ಆಯ್ಕೆಗಾರರು, ರೋಹಿತ್ಗೆ ನಿಲುವು ಬದಲಾಯಿಸುವಂತೆ ಕೇಳಿಕೊಳ್ಳಬಹುದು ಎನ್ನಲಾಗಿದೆ. ಇನ್ನು ವೃತ್ತೀಜಿವನದ ಈ ಹಂತದಲ್ಲಿ ರೋಹಿತ್ ಕಾರ್ಯದೊತ್ತಡ ತಗ್ಗಿಸುವತ್ತ ಗಮನಹರಿಸಲಿದ್ದು, ಎಲ್ಲ 3 ಪ್ರಕಾರದಲ್ಲಿ ಆಡುವುದು ಕಷ್ಟವೂ ಆಗಲಿದೆ. 2023ರ ಡಿಸೆಂಬರ್ನಿಂದ 2024ರ ಮಾರ್ಚ್ ವರೆಗೆ ಭಾರತ 7 ಟೆಸ್ಟ್ ಆಡಲಿದ್ದು, ಇದರತ್ತ ರೋಹಿತ್ ಹೆಚ್ಚಿನ ಗಮನಕೇಂದ್ರಿಕರಿಸಲಿದ್ದು, 2025ರ ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ ಫೈನಲ್ಗೆ ಭಾರತ ತಂಡವನ್ನು ಕೊಂಡೊಯ್ಯುವುದು ಪ್ರಮುಖ ಗುರಿ ಆಗಿರಲಿದೆ.
