ಭಾರತಕ್ಕೆ ಅಮೂಲ್ಯ ವಿಕೆಟ್​ ತಂದುಕೊಟ್ಟ ಡಿಆರ್​ಎಸ್; ಬೆನ್ನಲ್ಲೇ ಶುರುವಾಯಿತು ತಂತ್ರಜ್ಞಾನದ ಬಗ್ಗೆ ಅನುಮಾನ!

ವಿಶಾಖಪಟ್ಟಣ: ಎರಡನೇ ಟೆಸ್ಟ್​ ಪಂದ್ಯದ 4ನೇ ದಿನದಾಟದ ಆರಂಭದಲ್ಲಿ ಒಂದೆಡೆ ವಿಕೆಟ್​ ಬೀಳುತ್ತಿದ್ದರೂ, ತಾಳ್ಮೆ ಮಿಶ್ರಿತ ಆಕ್ರಮಣಕಾರಿ ಆಟದೊಂದಿಗೆ ಭಾರತಕ್ಕೆ ಸವಾಲಾಗುತ್ತ ಸಾಗುತ್ತಿದ್ದ ಇಂಗ್ಲೆಂಡ್​ ಆರಂಭಿಕ ಜಾಕ್​ ಕ್ರೌಲಿ ತಂದುಕೊಡುವಲ್ಲಿ ಭಾರತಕ್ಕೆ ಡಿಆರ್​ಎಸ್​ ನೆರವಾಯಿತು.

ಕುಲದೀಪ್​ ಎಸೆತದಲ್ಲಿ ಕ್ರೌಲಿ ಪ್ಯಾಡ್​ಗೆ ಬಡಿದ ಚೆಂಡು ಲೆಗ್​ಸ್ಟಂಪ್​ನಿಂದ ಹೊರಹೋಗುವಂತೆ ಕಾಣಿಸಿತು. ಭಾರತದ ಮನವಿಯನ್ನು ಅಂಪೈರ್​ ಎರಾಸ್ಮಸ್​ ತಿರಸ್ಕರಿಸಿದರು. ಭಾರತ ಡಿಆರ್​ಎಸ್​ ಮೊರೆ ಹೋದಾಗ, ಚೆಂಡು ಲೆಗ್​ಸ್ಟಂಪ್​ಗೆ ಬಡಿಯುವುದು ಸ್ಪಷ್ಟವಾದ ಕಾರಣ ಕ್ರೌಲಿಯ ಅಮೂಲ್ಯ ವಿಕೆಟ್​ ಕುಲದೀಪ್​ ಪಾಲಾಯಿತು.

ಆದರೆ ಕೆಲ ಕ್ರಿಕೆಟ್​ ಪಂಡಿತರು ಈ ತೀರ್ಪಿನ ಬಳಿಕ ತಂತ್ರಜ್ಞಾನದ ಬಗ್ಗೆಯೇ ಅನುಮಾನ ವ್ಯಕ್ತಪಡಿಸಿದರು. ಪಂದ್ಯದ ಬಳಿಕ ಎದುರಾಳಿ ನಾಯಕ ಬೆನ್​ ಸ್ಟೋಕ್ಸ್​ ಕೂಡ ತಂತ್ರಜ್ಞಾನವೂ ಶೇ. 100 ಪರಿಪೂರ್ಣವಲ್ಲ ಎಂದು ಅಸಮಾಧಾನ ಹೊರಹಾಕಿದರು.

https://www.vijayavani.net/davis-cup-india-blank-pakistan-4-0-seal-place-in-world-group-i