ಕಳಪೆ ಪ್ರದರ್ಶನ ನೀಡಿದರೂ ಟಿ20 ಕ್ರಿಕೆಟ್‌ನಲ್ಲಿ ಐತಿಹಾಸಿಕ ಮೈಲಿಗಲ್ಲು ಸಾಧಿಸಿದ ರೋಹಿತ್ ಶರ್ಮ | Rohit Sharma

Rohit Sharma: ನಿನ್ನೆ(ಮಾ.29) ಅಹಮದಾಬಾದ್​ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆದ ಮುಂಬೈ ಇಂಡಿಯನ್ಸ್ ಮತ್ತು ಗುಜರಾತ್ ಟೈಟನ್ಸ್ ನಡುವಿನ ಪಂದ್ಯದಲ್ಲಿ ಜಿಟಿ ನೀಡಿದ 197 ರನ್​ಗಳ ಗುರಿಯನ್ನು ಬೆನ್ನಟ್ಟಲು ಮುಗ್ಗರಿಸಿದ ಮುಂಬೈ ಪಡೆ, ಕಡೆಗೂ ಐಪಿಎಲ್​ನಲ್ಲಿ ಎರಡನೇ ಸೋಲನ್ನು ದಾಖಲಿಸಿತು. ಈ ಮೂಲಕ ಅಭಿಮಾನಿಗಳ ಎದುರು ಭಾರೀ ಮುಖಭಂಗ ಅನುಭವಿಸಿತು.

ಇದನ್ನೂ ಓದಿ: ಮನ್ ಕಿ ಬಾತ್​ನಲ್ಲಿ ಮಕ್ಕಳಿಗೆ ಪ್ರಧಾನಿ ಮೋದಿ ಸಂದೇಶ: ಬೇಸಿಗೆ ರಜೆಯ ಅನುಭವ ಹಂಚಿಕೊಳ್ಳಲು ಕರೆ! Mann Ki Baat

ಗುಜರಾತ್ ಟೈಟನ್ಸ್ ವಿರುದ್ಧದ ಪಂದ್ಯದಲ್ಲಿ 197 ರನ್​ಗಳ ಗುರಿಯನ್ನು ಬೆನ್ನಟ್ಟಿದ ಮುಂಬೈ ಪಡೆಗೆ ಆರಂಭಿಕ ಹಂತದಲ್ಲೇ ರೋಹಿತ್ ಶರ್ಮ ವಿಕೆಟ್​ ಪತನಗೊಂಡಿದ್ದು, ಭಾರೀ ಆಘಾತ ತಂದೊಡ್ಡಿತು. ಸಿರಾಜ್​ ಬೌಲಿಂಗ್​ನಲ್ಲಿ ಹೆಚ್ಚು ಹೊತ್ತು ಕ್ರೀಸ್​ಗೆ ಅಂಟದೆ ಕೇವಲ 8 ರನ್​ಗೆ ಪೆವಿಲಿಯನ್​ನತ್ತ ಮುಖಮಾಡಿದ ರೋಹಿತ್, ತಂಡ ಮತ್ತು ಅಭಿಮಾನಿಗಳ ನಿರೀಕ್ಷೆಗಳನ್ನು ತಲೆಕೆಳಗಾಗಿಸಿದರು. ಒಂದೆಡೆ ಬೇಸರ ಮೂಡಿದ್ದೇ ಆದರೂ ಈ ಪಂದ್ಯದ ಮೂಲಕ ಟಿ20 ಫಾರ್ಮೆಟ್​ನಲ್ಲಿ ಐತಿಹಾಸಿಕ ಮೈಲಿಗಲ್ಲನ್ನು ದಾಖಲಿಸಿದ್ದಾರೆ.

ಗುಜರಾತ್ ಟೈಟನ್ಸ್ (ಜಿಟಿ) ವಿರುದ್ಧದ ಪಂದ್ಯದಲ್ಲಿ ರೋಹಿತ್ ಶರ್ಮ ಇತಿಹಾಸಕ್ಕೆ ಸಾಕ್ಷಿಯಾದರು. ಈ ಅಸಾಧಾರಣ ಮೈಲಿಗಲ್ಲು ಸಾಧಿಸಿದ ಮೊದಲ ಭಾರತೀಯ ಆಟಗಾರ ಎಂಬ ಹೆಗ್ಗಳಿಕೆಗೂ ಪಾತ್ರರಾಗಿದ್ದಾರೆ. ಇಲ್ಲಿಯವರೆಗೆ ಒಟ್ಟು 450 ಟಿ20 ಪಂದ್ಯಗಳಲ್ಲಿ ಆಡಿರುವ ರೋಹಿತ್, ಈ ಮೈಲಿಗಲ್ಲು ತಲುಪಿದ ಮೊದಲ ಭಾರತೀಯರಾಗಿದ್ದಾರೆ. ಏಪ್ರಿಲ್ 2007ರಲ್ಲಿ ಬರೋಡಾ ವಿರುದ್ಧ ಮುಂಬೈ ರಾಜ್ಯ ತಂಡಕ್ಕಾಗಿ ಟಿ20ಗೆ ಪಾದಾರ್ಪಣೆ ಮಾಡಿದ ಶರ್ಮ, 2007ರ ಟಿ20 ವಿಶ್ವಕಪ್ ಗೆದ್ದ ತಂಡದ ಭಾಗವಾಗಿದ್ದರು. ಅಂದಿನಿಂದ, ಪ್ರತಿ ಟಿ20 ವಿಶ್ವಕಪ್‌ನಲ್ಲಿ ಭಾರತವನ್ನು ನಿರಂತರವಾಗಿ ಪ್ರತಿನಿಧಿಸಿದ್ದಾರೆ.

ಇದನ್ನೂ ಓದಿ: ಮ್ಯಾನ್ಮಾರ್​ ಭೂಕಂಪಕ್ಕೆ 1,600ಕ್ಕೂ ಅಧಿಕ ಮಂದಿ ಬಲಿ – 3,000 ಕ್ಕೂ ಹೆಚ್ಚು ಮಂದಿಗೆ ಗಾಯ! Earthquake

450 ಪಂದ್ಯಗಳನ್ನಾಡಿರುವ ರೋಹಿತ್​ ಶರ್ಮ ಮೊದಲನೇ ಸ್ಥಾನದಲ್ಲಿದ್ದರೆ, 412 ಪಂದ್ಯಗಳನ್ನಾಡಿ ದಿನೇಶ್​ ಕಾರ್ತಿಕ್ ಎರಡನೇ ಸ್ಥಾನವನ್ನು ಅಲಂಕರಿಸಿದ್ದಾರೆ. ಅಸಲಿಗೆ ಭಾರತೀಯ ಸ್ಟಾರ್​ ಬ್ಯಾಟರ್​ಗಳು ಆಡಿದ ಅತಿ ಹೆಚ್ಚು ಟಿ20 ಪಂದ್ಯಗಳು ಎಷ್ಟು? ಯಾರಾರು ಈ ಪಟ್ಟಿಯಲ್ಲಿ ಇದ್ದಾರೆ ಎಂಬುದರ ವಿವರ ಹೀಗಿದೆ.

1. ರೋಹಿತ್ ಶರ್ಮಾ 450

2. ದಿನೇಶ್ ಕಾರ್ತಿಕ್ 412

3. ವಿರಾಟ್ ಕೊಹ್ಲಿ 401

4. ಎಂ.ಎಸ್. ಧೋನಿ 393

5. ಸುರೇಶ್ ರೈನಾ 336

https://www.vijayavani.net/dhoni-could-have-come-instead-ashwin-says-former-cricketer