ರಾಜ್ಕೋಟ್: ನಾಯಕ ರೋಹಿತ್ ಶರ್ಮ (131 ರನ್, 196 ಎಸೆತ, 14 ಬೌಂಡರಿ, 3 ಸಿಕ್ಸರ್) ಜವಾಬ್ದಾರಿಯುತ ಶತಕದಾಟ ಹಾಗೂ ಆಲ್ರೌಂಡರ್ ರವೀಂದ್ರ ಜಡೇಜಾ (110* ರನ್, 212 ಎಸೆತ, 9 ಬೌಂಡರಿ, 2 ಸಿಕ್ಸರ್) ತವರಿನಲ್ಲಿ ಸಿಡಿಸಿದ 2ನೇ ಶತಕದ ನೆರವಿನಿಂದ ಆತಿಥೇಯ ಭಾರತ ತಂಡ ಮೂರನೇ ಟೆಸ್ಟ್ ಪಂದ್ಯದಲ್ಲಿ ಪ್ರವಾಸಿ ಇಂಗ್ಲೆಂಡ್ ಎದುರು ಮೊದಲ ದಿನದ ಗೌರವ ಸಂಪಾದಿಸಿದೆ. ಆರಂಭಿಕ ಆಘಾತದಿಂದ ಚೇತರಿಸಿಕೊಂಡಿರುವ ಟೀಮ್ ಇಂಡಿಯಾ, ಆಂಗ್ಲರಿಗೆ ತಿರುಗೇಟು ನೀಡುವ ಮೂಲಕ ಬೃಹತ್ ಮೊತ್ತದತ್ತ ಸಾಗಿದೆ. ಪದಾರ್ಪಣೆಯ ಟೆಸ್ಟ್ನಲ್ಲೇ ಬಿರುಸಿನ ಅರ್ಧಶತಕ ಬಾರಿಸಿ ಮಿಂಚಿದ ರ್ಸ್ರಾಜ್ ಖಾನ್ (62 ರನ್, 66 ಎಸೆತ, 9 ಬೌಂಡರಿ, 1 ಸಿಕ್ಸರ್) ಕೂಡ ಮೊದಲ ದಿನದ ಹೈಲೈಟ್ ಎನಿಸಿದರು.
