ಆರ್ಸಿಬಿ ತಂಡದ ಬಲಿಷ್ಠ ಬ್ಯಾಟಿಂಗ್ ಮತ್ತು ಕೆಕೆಆರ್ ತಂಡದ ವೈವಿಧ್ಯತೆಯ ಬೌಲಿಂಗ್ ವಿಭಾಗದ ಮುಖಾಮುಖಿ ಕುತೂಹಲ ಕೆರಳಿಸಿದೆ. ಪ್ಲೆಸಿಸ್, ಕೊಹ್ಲಿ, ದಿನೇಶ್ ಕಾರ್ತಿಕ್ರಂಥ ಅನುಭವಿ ಬ್ಯಾಟರ್ಗಳಿಗೆ ಅನುಜ್ ರಾವತ್, ರುದರ್ಫೋರ್ಡ್, ಹಸರಂಗ ಉತ್ತಮ ಬೆಂಬಲ ಒದಗಿಸಬೇಕಿದೆ. ಕೊಹ್ಲಿ ನಾಯಕತ್ವ ಒತ್ತಡವಿಲ್ಲದೆ ತಾನು ಅಪಾಯಕಾರಿ ಆಗಬಲ್ಲೆ ಎಂದು ಮೊದಲ ಪಂದ್ಯದಲ್ಲೇ ಝಲಕ್ ಪ್ರದರ್ಶಿಸಿದ್ದರು. ಜತೆಗೆ ಪ್ಲೆಸಿಸ್ಗೂ ನಾಯಕತ್ವ ಹೊರೆಯಲ್ಲ ಎಂಬುದು ಸ್ಪಷ್ಟವಾಗಿದೆ. ವರುಣ್ ಚಕ್ರವರ್ತಿ, ಸುನೀಲ್ ನಾರಾಯಣ್, ಆಂಡ್ರೆ ರಸೆಲ್, ಶಿವಂ ಮಾವಿ ಜತೆಗೆ 4 ವರ್ಷಗಳ ಬಳಿಕ ತಂಡಕ್ಕೆ ಮರಳಿರುವ ಉಮೇಶ್ ಯಾದವ್ ಕೆಕೆಆರ್ ಬೌಲಿಂಗ್ ವಿಭಾಗಕ್ಕೆ ಬಲ ತುಂಬಿದ್ದಾರೆ.
