ಆರ್ಸಿಬಿ ತಂಡಕ್ಕೆ ವಿದೇಶಿ ಆಟಗಾರರ ಕೆಟ್ಟ ನಿರ್ವಹಣೆಯೇ ಪ್ರಮುಖ ಹಿನ್ನಡೆ ಎನಿಸಿದೆ. ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ 4 ಪಂದ್ಯಗಳಲ್ಲಿ 2 ಅರ್ಧಶತಕ ಸಹಿತ 203 ರನ್ ಸಿಡಿಸಿದ್ದು, ಅವರಿಗೆ ಇತರರಿಂದ ಸಮರ್ಥ ಬೆಂಬಲದ ಕೊರತೆ ಇದೆ. ನಾಯಕ ಫಾಫ್ ಡು ಪ್ಲೆಸಿಸ್, ಗ್ಲೆನ್ ಮ್ಯಾಕ್ಸ್ವೆಲ್ ಮತ್ತು ಕ್ಯಾಮರಾನ್ ಗ್ರೀನ್ ರನ್ಬರ ಅನುಭವಿಸಿದ್ದಾರೆ. 4ನೇ ವಿದೇಶಿ ಕೋಟಾದಡಿಯಲ್ಲಿ ಆಡಿರುವ ವೇಗಿಗಳಾದ ಅಲ್ಜಾರಿ ಜೋಸೆಫ್/ರೀಸ್ ಟಾಪ್ಲೆ ಕೂಡ ನಿರಾಸೆ ಮೂಡಿಸಿದ್ದಾರೆ. ಜತೆಗೆ ದೇಶೀಯ ಬ್ಯಾಟರ್ಗಳಾದ ರಜತ್ ಪಾಟೀದಾರ್, ಅನುಜ್ ರಾವತ್, ಬೌಲರ್ಗಳಾದ ಮೊಹಮದ್ ಸಿರಾಜ್, ಮಯಾಂಕ್ ದಾಗರ್ರಿಂದಲೂ ಸುಧಾರಿತ ನಿರ್ವಹಣೆ ಬರಬೇಕಾಗಿದೆ. ಕನ್ನಡಿಗ ವೈಶಾಕ್ ವಿಜಯ್ಕುಮಾರ್ಗೆ ಈ ಸಲ ಮತ್ತೆ ಅವಕಾಶ ಕಲ್ಪಿಸಿ, ಆರ್ಸಿಬಿ ಟೀಮ್ ಮ್ಯಾನೇಜ್ಮೆಂಟ್ ತನ್ನ ತಪ್ಪು ತಿದ್ದಿಕೊಳ್ಳುವುದೇ ಎಂದು ಕಾದುನೋಡಬೇಕಿದೆ.
