ಪ್ಲೇಆಫ್ ಹಂತದಲ್ಲೇ ಆರಂಭಿಕರನ್ನು ಕಳೆದುಕೊಂಡು ತತ್ತರಿಸಿದ್ದ ಆರ್ಸಿಬಿಗೆ ಆರನ್ ಫಿಂಚ್ (32 ರನ್, 30 ಎಸೆತ, 3 ಬೌಂಡರಿ, 1 ಸಿಕ್ಸರ್) ಹಾಗೂ ಎಬಿ ಡಿವಿಲಿಯರ್ಸ್ ಜೋಡಿ ಕೆಲಕಾಲ ಚೇತರಿಕೆ ನೀಡಲು ಯತ್ನಿಸಿತು. ಹೋಲ್ಡರ್ ದಾಳಿಯಿಂದ ತತ್ತರಿಸಿದ್ದ ಆರ್ಸಿಬಿ ಇನಿಂಗ್ಸ್ಗೆ ಈ ಜೋಡಿ ಮರುಜೀವ ತುಂಬಿತು. ಆದರೆ, ಉತ್ತಮ ಲಯ ಕಂಡುಕೊಳ್ಳುವ ಯತ್ನದಲ್ಲಿದ್ದ ವೇಳೆ ಶಾಬಾದ್ ನದೀಂ ಬ್ರೇಕ್ ಹಾಕಿದರು. ಅನಾವಶ್ಯಕ ಹೊಡೆತಕ್ಕೆ ಮುಂದಾದ ಆರನ್ ಫಿಂಚ್, ಅಬ್ದುಲ್ ಸಮದ್ಗೆ ಕ್ಯಾಚ್ ನೀಡಿದರು. ಈ ಜೋಡಿ 3ನೇ ವಿಕೆಟ್ಗೆ 41 ಜತೆಯಾಟ ಆಡಿ ಬೇರ್ಪಟ್ಟಿತು. ಇದರಿಂದ ಆರ್ಸಿಬಿ ತಂಡ 2ನೇ ಹಂತದ ಕುಸಿತು ಕಂಡಿತು. ಬಳಿಕ ಬಂದ ಮೊಯಿನ್ ಅಲಿ, ಫ್ರೀಹಿಟ್ನಲ್ಲಿ ಸಿಂಗಲ್ಸ್ ಕದಿಯಲು ಯತ್ನಿಸಿ ರನೌಟ್ ಬಲೆಗೆ ಬಿದ್ದರು. ಇತರ ಬ್ಯಾಟ್ಸ್ಮನ್ಗಳಿಂದ ಅಗತ್ಯ ಸಾಥ್ ಗಿಟ್ಟಿಸಿಕೊಳ್ಳಲು ವಿಫಲರಾದ ಎಬಿಡಿ ಏಕಾಂಗಿ ನಿರ್ವಹಣೆ ಮುಂದುವರಿಸಿದರು. ಶಿವಂ ದುಬೆ (8), ವಾಷಿಂಗ್ಟನ್ ಸುಂದರ್ (5) ನಿರಾಸೆ ಕಂಡರೆ, ಅರ್ಧಶತಕ ಪೂರೈಸಿದ ಬೆನ್ನಲ್ಲೇ ಎಬಿಡಿ ಕೂಡ ನಟರಾಜನ್ರ ಯಾರ್ಕರ್ ಎಸೆತಕ್ಕೆ ಬೌಲ್ಡ್ ಆದರು. ಇದರೊಂದಿಗೆ ಕನಿಷ್ಠ ಸ್ಪರ್ಧಾತ್ಮಕ ಮೊತ್ತ ಪೇರಿಸುವ ಆರ್ಸಿಬಿ ಆಸೆಗೆ ಸನ್ರೈಸರ್ಸ್ ಲಗಾಮು ಹಾಕಿತು. ಡೆತ್ ಓವರ್ಗಳಲ್ಲಿ ಆರ್ಸಿಬಿ ಪರದಾಟವೂ ಮುಂದುವರಿಯಿತು. ಕಡೇ ಹಂತದಲ್ಲಿ ನವದೀಪ್ ಸೈನಿ (9*) ಹಾಗೂ ಮೊಹಮದ್ ಸಿರಾಜ್ (10) ಜೋಡಿ ತಂಡದ ಮೊತ್ತವನ್ನು 130ರ ಗಡಿಗೆ ದಾಟಿಸಿದರು. ಕೊನೇ 5 ಓವರ್ಗಳಲ್ಲಿ ಆರ್ಸಿಬಿ 3 ವಿಕೆಟ್ ಕಳೆದುಕೊಂಡು 38 ರನ್ ಕಲೆಹಾಕಿತು.
