ಸತತ 2 ಗೆಲುವಿನೊಂದಿಗೆ ಟೂರ್ನಿಯಲ್ಲಿ ಭರ್ಜರಿ ಆರಂಭ ಕಂಡ ಆರ್ಸಿಬಿ ನಂತರದ ಎರಡು ಪಂದ್ಯಗಳಲ್ಲಿ ಮುಗ್ಗರಿಸಿದೆ. ಜತೆಗೆ ತವರಿನದ ಚಿನ್ನಸ್ವಾಮಿ ಅಂಗಣದಲ್ಲಿ ಈ ಸೋಲು ಎದುರಾಗಿರುವುದು ಹಿನ್ನಡೆ ಎನಿಸಿದೆ. ಉದ್ಘಾಟನಾ ಪಂದ್ಯದಲ್ಲಿ ಗುಜರಾತ್ ಎದುರು 200ಪ್ಲಸ್ ರನ್ ಚೇಸಿಂಗ್ ನಡೆಸಿರುವ ಆತ್ಮವಿಶ್ವಾಸದಲ್ಲಿರುವ ಆರ್ಸಿಬಿ ಲಯಕ್ಕೆ ಮರಳುವ ಸಾಧ್ಯತೆಗಳಿವೆ. ಡ್ಯಾನಿ ವ್ಯಾಟ್ ಹಡ್ಜ್ ಹಾಗೂ ಎಲ್ಲಿಸ್ ಪೆರ್ರಿ ಉತ್ತಮ ಾರ್ಮ್ನಲ್ಲಿದ್ದು, ಸ್ಮತಿ ಮಂದನಾ ಬಲ ತುಂಬಬೇಕಿದೆ. ಪೆರ್ರಿ ಬೌಲಿಂಗ್ಗೆ ಮರಳಿರುವುದು ಆರ್ಸಿಬಿ ಹೆಚ್ಚಿನ ಶಕ್ತಿ ನೀಡಿದೆ, ಆದರೆ ಬೌಲರ್ಗಳ ಅಸ್ಥಿರತೆ ನಿರ್ವಹಣೆ ಸಮಸ್ಯೆ ಎನಿಸಿದೆ. ರೇಣುಕಾ ಸಿಂಗ್, ಕಿಮ್ ಗಾರ್ತ್ ಲಯ ಕಾಯ್ದುಕೊಳ್ಳುವಲ್ಲಿ ಎಡವಿದ್ದಾರೆ. ಜಾರ್ಜಿಹ್ಯಾ ವೇರ್ಹ್ಯಾಂಗೆ ಮಧ್ಯಮ ಓವರ್ಗಳಲ್ಲಿ ಏಕ್ತಾ ಬಿಷ್ಟ್, ಕನಿಕಾ ಆಹುಜಾ ಸೂಕ್ತ ಸಾಥ್ ನೀಡಲು ವಿಲರಾಗಿದ್ದಾರೆ. ಆರ್ಸಿಬಿ ಹ್ಯಾಟ್ರಿಕ್ ಸೋಲಿನಿಂದ ಪಾರಾಗುವ ಒತ್ತಡದಲ್ಲಿದೆ.
