ಸಂಜು ಸ್ಯಾಮ್ಸನ್, ಜೋಸ್ ಬಟ್ಲರ್, ಡೇವಿಡ್ ವಿಲ್ಲರ್, ಕ್ರಿಸ್ ಮಾರಿಸ್ ಒಳಗೊಂಡ ಬಲಿಷ್ಠ ಬ್ಯಾಟಿಂಗ್ ಪಡೆ ಹೊಂದಿದ್ದರೂ ರಾಯಲ್ಸ್ ತಂಡಕ್ಕೆ ಅಸ್ಥಿರ ನಿರ್ವಹಣೆ ಕಾಡುತ್ತಿದೆ. ತಂಡದಿಂದ ಸಂಘಟಿತ ಹೋರಾಟ ಬರುತ್ತಿಲ್ಲ. ಈಗಾಗಲೇ ಇಂಗ್ಲೆಂಡ್ನ ಬೆನ್ ಸ್ಟೋಕ್ಸ್ ಹಾಗೂ ಜೋಫ್ರಾ ಆರ್ಚರ್ ಹೊರಬಿದ್ದರೆ, ಟೂರ್ನಿ ಮಧ್ಯದಲ್ಲಿಯೇ ಬಯೋ ಬಬಲ್ ಒತ್ತಡದಿಂದಾಗಿ ಲಿಯಾಮ್ ಲಿವಿಂಗ್ಸ್ಟೋನ್ ಕೂಡ ತವರಿಗೆ ವಾಪಸಾಗಿದ್ದಾರೆ. ಮೊದಲ ಪಂದ್ಯದಲ್ಲಿ ಪಂಜಾಬ್ ನೀಡಿದ 221 ರನ್ ಬೆನ್ನಟ್ಟಲು ಹೋಗಿ ಕೇವಲ 4 ರನ್ಗಳಿಂದ ವೀರೋಚಿತ ಸೋಲು ಕಂಡಿದ್ದ ರಾಜಸ್ಥಾನ, ಡೆಲ್ಲಿ ಕ್ಯಾಪಿಟಲ್ಸ್ ಎದುರು 3 ವಿಕೆಟ್ ಜಯ ದಾಖಲಿಸಿತ್ತು. ಆದರೆ, ಸಿಎಸ್ಕೆ ಎದುರು ನಿಸ್ತೇಜ ನಿರ್ವಹಣೆಯಿಂದ ಹೀನಾಯವಾಗಿ ಸೋಲು ಕಂಡಿತ್ತು. ಪ್ರಮುಖವಾಗಿ ತಂಡದ ಬ್ಯಾಟಿಂಗ್ ವಿಭಾಗವೇ ಹಿನ್ನಡೆಯುಂಟು ಮಾಡಿದೆ. ಜೋಫ್ರಾ ಆರ್ಚರ್ ಅನುಪಸ್ಥಿತಿಯಲ್ಲಿ ಕ್ರಿಸ್ ಮಾರಿಸ್, ಬಾಂಗ್ಲಾದೇಶದ ವೇಗಿ ಮುಸ್ತಾಫಿಜರ್ ರೆಹಮಾನ್ ಬೌಲಿಂಗ್ನಲ್ಲಿ ಗಮನಸೆಳೆಯುತ್ತಿದ್ದಾರೆ.
