ಟಿ20 ವರ್ಲ್ಡ್​ ಕಪ್​ ನಂತರ ಟೀಂ ಇಂಡಿಯಾಗೆ ರವಿ ಶಾಸ್ತ್ರಿ ಗುಡ್​ಬೈ?!

ನವದೆಹಲಿ : ಯುಎಇಯಲ್ಲಿ ನಡೆಯಲಿರುವ ಟಿ20 ವರ್ಲ್ಡ್​ ಕಪ್​ ಕ್ರಿಕೆಟ್​ ಪಂದ್ಯಾವಳಿಯ ನಂತರ ಭಾರತ ಕ್ರಿಕೆಟ್​ ತಂಡದ ಹೆಡ್​ ಕೋಚ್​ ಕೆಲಸಕ್ಕೆ ಆಲ್​ರೌಂಡರ್​ ರವಿ ಶಾಸ್ತ್ರಿ ಅವರು ಗುಡ್​ಬೈ ಹೇಳಲಿದ್ದಾರೆ ಎನ್ನಲಾಗಿದೆ. ಅವರೊಂದಿಗೆ ಹಾಲಿ ಬೌಲಿಂಗ್​ ಕೋಚ್​​ ಭರತ್​ ಅರುಣ್, ಫೀಲ್ಡಿಂಗ್ ಕೋಚ್​ ಆರ್​.ಶ್ರೀಧರ್​ ಮತ್ತು ಬ್ಯಾಟಿಂಗ್​ ಕೋಚ್​ ವಿಕ್ರಂ ರಾಥೌರ್​ ಅವರ ಸ್ಥಾನಕ್ಕೂ ಬೇರೆ ಕೋಚ್​ಗಳ ನೇಮಕವಾಗಲಿದೆ ಎಂದು ವರದಿಗಳು ತಿಳಿಸಿವೆ.

2017 ರಿಂದ ಟೀಂ ಇಂಡಿಯಾದ ಕೋಚಿಂಗ್​ ಜವಾಬ್ದಾರಿ ವಹಿಸಿಕೊಂಡಿರುವ ರವಿ ಶಾಸ್ತ್ರಿ ಅವರ ಕಾರ್ಯಾವಧಿಯು ಕಾಂಟ್ರ್ಯಾಕ್ಟ್​ ಪ್ರಕಾರ ನವೆಂಬರ್​ನಲ್ಲಿ ಮುಗಿಯಲಿದೆ. ತದನಂತರ ತಾವು ತಂಡದೊಂದಿಗೆ ಮುಂದುವರಿಯುವುದಿಲ್ಲ ಎಂದು ಶಾಸ್ತ್ರಿ ಕ್ರಿಕೆಟ್​ ಬೋರ್ಡ್​ನ ಕೆಲವು ಸದಸ್ಯರಿಗೆ ಹೇಳಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಭಾರತ ಕ್ರಿಕೆಟ್​ ಬೋರ್ಡ್​ ಕೂಡ ಹೊಸ ಕೋಚ್​ಗಳ ಗುಂಪನ್ನು ನಿಯುಕ್ತಿ ಮಾಡುವ ಆಲೋಚನೆ ಹೊಂದಿದೆ ಎಂದು ಇಂಡಿಯನ್​ ಎಕ್ಸ್​ಪ್ರೆಸ್​ ವರದಿ ಮಾಡಿದೆ. (ಏಜೆನ್ಸೀಸ್)

https://www.vijayavani.net/can-covishield-and-covaxin-doses-be-mixed-study-gets-nod/

https://www.vijayavani.net/code-red-for-humanity-un-report-on-climate-change/