ಟಿ20 ಕ್ರಿಕೆಟ್​ನಲ್ಲಿ ಈ ಐತಿಹಾಸಿಕ ದಾಖಲೆ ಬರೆದ 2ನೇ ಕ್ರಿಕೆಟಿಗ ರಶೀದ್​ ಖಾನ್​! ಅಭಿನಂದನೆಗಳ ಸುರಿಮಳೆ

ನವದೆಹಲಿ: ಟಿ20 ಕ್ರಿಕೆಟ್ ಇತಿಹಾಸದಲ್ಲಿ ಐತಿಹಾಸಿಕ ದಾಖಲೆ ಬರೆದಿರುವ ಆಫ್ಘಾನಿಸ್ತಾನ ಕ್ರಿಕೆಟ್ ತಂಡದ ಸ್ಟಾರ್​ ಆಟಗಾರ ರಶೀದ್​ ಖಾನ್​, ಟಿ20 ಫಾರ್ಮೆಟ್​ನಲ್ಲಿ 600 ವಿಕೆಟ್​ಗಳನ್ನು ಪಡೆದ ಎರಡನೇ ಬೌಲರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಜುಲೈ 29ರಂದು ಮ್ಯಾನ್​ಚೆಸ್ಟರ್​ ಓರಿಜಿನಲ್ಸ್​ ವಿರುದ್ಧ ನಡೆದ ಪಂದ್ಯದಲ್ಲಿ ಎರಡು ವಿಕೆಟ್​​ ಕಬಳಿಸಿದ ರಶೀದ್​​, ತಮ್ಮ ಟ್ರೆಂಟ್​ ರಾಕೆಟ್ಸ್​ ತಂಡಕ್ಕೆ ಗೆಲುವು ತಂದುಕೊಡುವುದರ ಜತೆ ಈ ಮೈಲಿಗಲ್ಲು ಸಾಧಿಸಿದ್ದಾರೆ.

ಇದನ್ನೂ ಓದಿ: ಪ್ರಬಂಧ ಸಾಹಿತ್ಯದಲ್ಲಿ ವಿಪುಲ ಅವಕಾಶ, ಕಾರ್ಯಾಗಾರದಲ್ಲಿ ವೆಂಕಟೇಶ ಮಾಚಕನೂರು ಅಭಿಪ್ರಾಯ

441 ಪಂದ್ಯಗಳನ್ನು ಆಡಿರುವ 25 ವರ್ಷದ ಆಫ್ಘನ್​ ಲೆಗ್ ​ಸ್ಪಿನ್ನರ್,​ ಟಿ20 ಕ್ರಿಕೆಟ್​ನಲ್ಲಿ 600 ವಿಕೆಟ್​ಗಳನ್ನು ಪಡೆದ ಎರಡನೇ ಕ್ರಿಕೆಟಿಗನಾಗಿ ಹೊರಹೊಮ್ಮಿದ್ದಾರೆ. ವೆಸ್ಟ್ ಇಂಡೀಸ್​ನ ಆಲ್​ರೌಂಡರ್​ ದ್ವೈನೆ ಬ್ರಾವೋ ಅವರು 578 ಪಂದ್ಯಗಳಲ್ಲಿ 630 ವಿಕೆಟ್​ಗಳನ್ನು ಪಡೆಯುವ ಮೂಲಕ ಈ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದಾರೆ. ಬ್ರಾವೋ ನಂತರದಲ್ಲಿ ರಶೀದ್​ ಇದ್ದಾರೆ. ಇನ್ನು 519 ಮ್ಯಾಚ್​​ಗಳಲ್ಲಿ 557 ವಿಕೆಟ್​ಗಳನ್ನು ಕಬಳಿಸಿರುವ ಸುನಿಲ್ ನರೈನ್ ಮೂರನೇ ಸ್ಥಾನದಲ್ಲಿದ್ದಾರೆ. ಸೌತ್ ಆಫ್ರಿಕಾದ ಇಮ್ರಾನ್ ತಹೀರ್ (502 ವಿಕೆಟ್) ಮತ್ತು ಬಾಂಗ್ಲಾದೇಶದ ಶಕೀಬ್ ಅಲ್ ಹಸನ್​ (492)​ ನಾಲ್ಕು ಮತ್ತು ಐದು ಸ್ಥಾನಗಳನ್ನು ಅಲಂಕರಿಸಿದ್ದಾರೆ.

ಐಪಿಎಲ್​ ಸೇರಿದಂತೆ ಹಲವಾರು ಟಿ20 ಫ್ರಾಂಚೈಸಿಗೆ ಆಡುವ ರಶೀದ್ ಖಾನ್​, ಗುಜರಾತ್ ಟೈಟನ್ಸ್​ ತಂಡದಲ್ಲಿ ತಮ್ಮ ಸ್ಫೋಟಕ ಬ್ಯಾಟಿಂಗ್ ಹಾಗೂ ಬೌಲಿಂಗ್ ಜಾದುವಿನಿಂದ ಅಪಾರ ಸಂಖ್ಯೆಯಲ್ಲಿ ಭಾರತೀಯ ಅಭಿಮಾನಿಗಳನ್ನು ಸಂಪಾದಿಸಿದ್ದಾರೆ. ಇನ್ನು ತಮ್ಮ ಸಾಧನೆ ಕುರಿತು ಸಂತೋಷದಿಂದ ಮಾತನಾಡಿದ ರಶೀದ್​, "ಇದೆಕ್ಕೆಲ್ಲಾ ನೀವೇ (ಕ್ರೀಡಾಭಿಮಾನಿಗಳು) ಕಾರಣ. ನಿಮ್ಮಿಂದ ಇದು ಸಾಧ್ಯವಾಗಿದ್ದು, ನಿಮ್ಮ ಪ್ರೀತಿ ಹೀಗೆ ಸದಾ ನನ್ನ ಮೇಲಿರಲಿ, ಧನ್ಯವಾದ" ಎಂದು ಮನದಾಳದಿಂದ ತಿಳಿಸಿದರು,(ಏಜೆನ್ಸೀಸ್).

https://www.vijayavani.net/request-letter-with-blood-hand-written