ರಣಜಿ ಸೆಮಿಫೈನಲ್ ಪಂದ್ಯಗಳು ಶನಿವಾರದಿಂದ ಕರ್ನಾಟಕ- ಬಂಗಾಳ ನಡುವೆ ಕೋಲ್ಕತ ಮತ್ತು ಗುಜರಾತ್-ಸೌರಾಷ್ಟ್ರ ನಡುವೆ ರಾಜ್ಕೋಟ್ನಲ್ಲಿ ನಡೆಯಲಿವೆ. ಬಳಿಕ ಫೈನಲ್ ಪಂದ್ಯ ಮಾರ್ಚ್ 9ರಿಂದ 13ರವರೆಗೆ ನಡೆಯಲಿದ್ದು, ಸ್ಥಳ ಇನ್ನೂ ನಿಗದಿಯಾಗಿಲ್ಲ. ಈ ಮೂರೂ ಪಂದ್ಯಗಳು ಸ್ಟಾರ್ ಸ್ಪೋರ್ಟ್ಸ್ ಮತ್ತು ಹಾಟ್ಸ್ಟಾರ್ನಲ್ಲಿ ನೇರಪ್ರಸಾರ ಕಾಣಲಿವೆ. ಈ ಬಾರಿ ರಣಜಿ ಟ್ರೋಫಿ ನಾಕೌಟ್ ಹಂತದಿಂದಲೇ ಡಿಆರ್ಎಸ್ ಬಳಕೆಯಾಗುತ್ತದೆ ಎನ್ನಲಾಗಿದ್ದರೂ, ಕ್ವಾರ್ಟರ್ಫೈನಲ್ಸ್ಗೆ ಡಿಆರ್ಎಸ್ ಇಲ್ಲ ಎಂದು ಬಿಸಿಸಿಐ ಪ್ರಧಾನ ವ್ಯವಸ್ಥಾಪಕ (ಕ್ರಿಕೆಟ್) ಸಾಬಾ ಕರೀಂ ಬಳಿಕ ಸ್ಪಷ್ಟಪಡಿಸಿದ್ದರು. ರಣಜಿ ಜತೆಗೆ ದೇಶೀಯ ಕ್ರಿಕೆಟ್ನ ಪ್ರಮುಖ ಸೀಮಿತ ಓವರ್ ಟೂರ್ನಿಗಳಾದ ವಿಜಯ್ ಹಜಾರೆ ಟ್ರೋಫಿ ಮತ್ತು ಸಯ್ಯದ್ ಮುಷ್ತಾಕ್ ಟ್ರೋಫಿಯ ನಾಕೌಟ್ ಪಂದ್ಯಗಳಲ್ಲೂ ಡಿಆರ್ಎಸ್ ಬಳಕೆಯಾಗಬೇಕು ಎಂಬ ಬೇಡಿಕೆಗಳು ಬಂದಿವೆ.
