ಜಮ್ಮು-ಕಾಶ್ಮೀರಕ್ಕೆ (Ranaji Final) ಶುಭಂ ಶತಕದ ಬಲ

ಇಲ್ಲಿಯ ರಾಜನಗರ ಕೆಎಸ್​ಸಿಎ ಮೈದಾನದಲ್ಲಿ ಮಂಗಳವಾರ ದಿನದಾಟದ ಅಂತ್ಯಕ್ಕೆ ಜಮ್ಮು ಕಾಶ್ಮೀರ 2 ವಿಕೆಟ್​ಗೆ 284 ರನ್ ಗಳಿಸುವ ಮೂಲಕ ಟಾಸ್ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡಿದ್ದನ್ನು ಸಮರ್ಥಿಸಿಕೊಂಡಿತು.

ಎರಡು ಶತಕದ ಜೊತೆಯಾಟಗಳು ಪ್ರವಾಸಿ ತಂಡದ ಉತ್ತಮ ಮೊತ್ತಕ್ಕೆ ಕಾರಣವಾದವು. 2ನೇ ವಿಕೆಟ್​ಗೆ ಹಸನ್ ಹಾಗೂ ಶುಭಂ 139ರನ್ ಸೇರಿಸಿದರು. ಪ್ರಸಿದ್ಧ ಕೃಷ್ಣ ಎಸೆತದಲ್ಲಿ ಹಸನ್ 2ನೇ ಸ್ಲಿಪ್​ನಲ್ಲಿ ಕೆ.ಎಲ್. ರಾಹುಲ್​ಗೆ ಕ್ಯಾಚ್ ನೀಡುವ ಮೂಲಕ ಈ ಜೊತೆಯಾಟ ಬೇರ್ಪಟ್ಟಿತು. ಮುರಿಯದ 3ನೇ ವಿಕೆಟ್​ಗೆ ಶುಭಂ ಹಾಗೂ ಅಬ್ದುಲ್ ಸಮದ್ 105 ರನ್ ಸೇರಿಸಿದ್ದಾರೆ. ಈ ನಡುವೆ ಶಿಖರ ಶೆಟ್ಟಿ ಬೌಲಿಂಗ್​ನಲ್ಲಿ ಸಿಕ್ಸರ್ ಬಾರಿಸಿ 186 ಎಸೆತಗಳಲ್ಲಿ ಶುಭಂ ಶತಕ ಪೂರೈಸಿದರು. ಇದು ಶುಭಂಗೆ ರಣಜಿಯಲ್ಲಿ 4ನೇ ಶತಕವಾಗಿದೆ.

ಜಮ್ಮು - ಕಾಶ್ಮೀರ: 87 ಓವರ್​ಗಳಲ್ಲಿ 2 ವಿಕೆಟ್​ಗೆ 284ರನ್ (ಯಾವರ್ ಹಸನ್ 88, ಶುಭಂ ಪುಂದಿರ್ 117ಅ, ಅಬ್ದುಲ್ ಸಮದ್ 52ಅ, ಪ್ರಸಿದ್ಧ ಕೃಷ್ಣ 36ಕ್ಕೆ 2).