ಇಂದಿನ ಕ್ರಿಕೆಟಿಗರಿಗೆ ಕೆಪಿಎಲ್, ಐಪಿಎಲ್, ದೇಶೀಯ ಕ್ರಿಕೆಟ್ ಟೂನಿರ್ಗಳಿವೆ, ರಣಜಿ ಅಲ್ಲದೆ, ವಿವಿಧ ಮಾದರಿಯ ಟೂರ್ನಿಗಳಿವೆ. ಆದರೆ, 90ರ ದಶಕದ ಕ್ರಿಕೆಟಿಗರಿಗೆ ಕೇವಲ ರಣಜಿ ಮಾತ್ರ ಹಣಕಾಸಿನ ಮೂಲವಾಗಿತ್ತು. ಇಂಥ ಪರಿಸ್ಥಿತಿಯಲ್ಲಿ ಕ್ರಿಕೆಟ್ ಆಯ್ದುಕೊಳ್ಳುವುದು ಸುಲಭದ ಮಾತಲ್ಲ. ದಿಗ್ಗಜ ರಾಹುಲ್ ದ್ರಾವಿಡ್ ಹೇಳಿಕೊಂಡಿರುವಂತೆ, ರಣಜಿ ಒಂದೇ ಆಟಗಾರರಿಗೆ ಹಣಕಾಸಿನ ಮೂಲವಾಗಿತ್ತು. ನನಗೆ ಸಿಎ ಅಥವಾ ಎಂಬಿಎ ಮಾಡುವ ಕನಸಿತ್ತು. ಆದರೆ, ಕ್ರಿಕೆಟ್ ಆಯ್ದುಕೊಂಡಿದ್ದರಿಂದ ಈ ಪದವಿಗಳನ್ನು ತ್ಯಜಿಸಿದೆ ಎಂದಿದ್ದಾರೆ. 1996ರಲ್ಲಿ ರಾಷ್ಟ್ರೀಯ ತಂಡಕ್ಕೆ ಟೆಸ್ಟ್ ಕ್ರಿಕೆಟ್ ಮೂಲಕ ಎಂಟ್ರಿ ಕೊಟ್ಟ ರಾಹುಲ್ ದ್ರಾವಿಡ್, ಉತ್ತಮ ಸ್ಟ್ರೈಕ್ ರೇಟ್ ಕಾಯ್ದುಕೊಳ್ಳದ ಹಿನ್ನೆಲೆಯಲ್ಲಿ ಏಕದಿನ ತಂಡದಿಂದ ಹೊರಬಿದ್ದಿದ್ದರು. ಬಳಿಕ ಸತತ ಶ್ರಮದಿಂದಾಗಿ ಏಕದಿನ ತಂಡಕ್ಕೆ ವಾಪಸಾದೆ ಎಂದು ಹೇಳುತ್ತಾರೆ ದ್ರಾವಿಡ್.
