ಅಬುಧಾಬಿ: ನಮ್ಮ ತಂಡ ಒತ್ತಡವನ್ನು ಸಮರ್ಥವಾಗ ನಿಭಾಯಿಸಲು ಸಾಧ್ಯವಾಗದೆ ಎಡವುತ್ತಿದೆ ಎಂದು ಪಂಜಾಬ್ ಕಿಂಗ್ಸ್ ತಂಡದ ನಾಯಕ ಕೆಎಲ್ ರಾಹುಲ್ ಬೇಸರಿಸಿದ್ದಾರೆ. ಹಾಲಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ವಿರುದ್ಧದ ಮಂಗಳವಾರದ ಐಪಿಎಲ್ ಪಂದ್ಯದಲ್ಲಿ 6 ವಿಕೆಟ್ಗಳಿಂದ ಸೋಲು ಕಂಡ ಬಳಿಕ ಮಾತನಾಡಿದ ರಾಹುಲ್, ‘ನಮ್ಮ ಬೌಲರ್ಗಳು ಉತ್ತಮ ಪ್ರತಿಹೋರಾಟ ತೋರಿದರು. ಆದರೆ ನಾವು ಸಾಕಷ್ಟು ಸ್ಕೋರ್ ಮಾಡಲಿಲ್ಲ. ಈ ಪಿಚ್ನಲ್ಲಿ 170 ಪ್ಲಸ್ ಮೊತ್ತ ಪೇರಿಸಬಹುದಾಗಿತ್ತು. ಮುಂದಿನ 3 ಪಂದ್ಯಗಳು ನಮಗೆ ಮಹತ್ವದ್ದು. ಒಮ್ಮೆಗೆ ಒಂದು ಪಂದ್ಯದ ಮೇಲಷ್ಟೇ ಗಮನ ಹರಿಸಿ, ಫಲಿತಾಂಶದ ಬಗ್ಗೆ ತಲೆಕೆಡಿಸಿಕೊಳ್ಳದೆ ಆಟವನ್ನು ಆನಂದಿಸಬೇಕಾಗಿದೆ’ ಎಂದು ಹೇಳಿದರು.
