ಪ್ರೊ ಕಬಡ್ಡಿ ಲೀಗ್​: ಟೂರ್ನಿಯ ಇತಿಹಾಸದಲ್ಲೇ ವಿಶೇಷ ಗೌರವ ಪಡೆದ ಮಾಸ್ಟರ್ ಆನಂದ್ ಪುತ್ರಿ ವಂಶಿಕಾ!

ಬೆಂಗಳೂರು: ಎಂದಿನಂತೆ ಈ ಬಾರಿಯೂ ಪ್ರೊ ಕಬಡ್ಡಿ ಲೀಗ್ ಪಂದ್ಯಗಳ ಆರಂಭಕ್ಕೆ ಮುನ್ನ ರಾಷ್ಟ್ರಗೀತೆ ಹಾಡುವ ಸಂಪ್ರದಾಯ ಮುಂದುವರಿಸಲಾಯಿತು.

ಕನ್ನಡ ರಿಯಾಲಿಟಿ ಶೋಗಳ ಮೂಲಕ ಜನಪ್ರಿಯತೆ ಗಳಿಸಿರುವ ಪುಟಾಣಿ ವಂಶಿಕಾ ಅಂಜನಿ ಕಶ್ಯಪ ಟೂರ್ನಿಯ ಮೊದಲ ದಿನ ರಾಷ್ಟ್ರಗೀತೆ ಹಾಡಿದರು. ನಟ ಮಾಸ್ಟರ್ ಆನಂದ್ ಪುತ್ರಿಯಾಗಿರುವ 5 ವರ್ಷದ ವಂಶಿಕಾ, ಟೂರ್ನಿ ಇತಿಹಾಸದಲ್ಲಿ ಈ ಗೌರವ ಪಡೆದ ಅತ್ಯಂತ ಕಿರಿಯರೆನಿಸಿದರು.

ಹೊಸತನದಿಂದ ಕೂಡಿದ ಬೆಂಗಳೂರು ಬುಲ್ಸ್ ತಂಡ 9ನೇ ಆವೃತ್ತಿಯ ಪ್ರೊ ಕಬಡ್ಡಿ ಲೀಗ್​ನಲ್ಲಿ ಶುಭಾರಂಭ ಕಾಣುವಲ್ಲಿ ಯಶಸ್ವಿಯಾಗಿದೆ. ಉದ್ಯಾನನಗರಿಯ ಶ್ರೀ ಕಂಠೀರವ ಒಳಾಂಗಣ ಕ್ರೀಡಾಂಗಣದಲ್ಲಿ ಶುಕ್ರವಾರ ಆರಂಭಗೊಂಡ ಟೂರ್ನಿಯ 2ನೇ ಪಂದ್ಯದಲ್ಲಿ ತೆಲುಗು ಟೈಟಾನ್ಸ್ ವಿರುದ್ಧ 34-29 ಅಂಕಗಳಿಂದ ಗೆಲುವು ದಾಖಲಿಸುವ ಮೂಲಕ ಮಹೇಂದರ್ ಸಿಂಗ್ ಬಳಗ ಭರ್ಜರಿ ಆರಂಭ ಕಂಡಿತು.

ಹಾಲಿ ಚಾಂಪಿಯನ್ ದಬಾಂಗ್ ಡೆಲ್ಲಿ ತಂಡ ಪ್ರೊ ಕಬಡ್ಡಿ ಲೀಗ್​ 2022 ಟೂರ್ನಿಯ ಉದ್ಘಾಟನಾ ಪಂದ್ಯದಲ್ಲಿ ಯು ಮುಂಬಾ ತಂಡವನ್ನು 41-27 ಅಂಕಗಳಿಂದ ಮಣಿಸುವ ಮೂಲಕ ಭರ್ಜರಿ ಆರಂಭ ಕಂಡಿತು.

ಇಂದಿನ ಪಂದ್ಯಗಳು

* ಪಟನಾ ಪೈರೇಟ್ಸ್​ vs ಪುಣೇರಿ ಪಲ್ಟಾನ್​ (ರಾತ್ರಿ 7.30ಕ್ಕೆ)

* ಗುಜರಾತ್​ ಜೈಂಟ್ಸ್​ vs ತಮಿಳ್​ ತಲೈವಾಸ್​ (ರಾತ್ರಿ 8.30ಕ್ಕೆ)

* ಬೆಂಗಾಲ್​ ವಾರಿಯರ್ಸ್​ vs ಹರಿಯಾಣ ಸ್ಟೀಲರ್ಸ್​ (ರಾತ್ರಿ 9.30 ಕ್ಕೆ)

https://www.vijayavani.net/a-kpcc-president-dk-shivakumar-hand-injured-air-cracked/

https://www.vijayavani.net/the-indian-air-force-today-unveiled-the-new-combat-uniform-of-the-force/

https://www.vijayavani.net/homeall-indiapunjab-boy-13-cycled-250-km-to-meet-youtuber-in-delhi-this-happened-next-punjab-boy-13-cycled-250-km-to-meet-youtuber-in-delhi/