ಭಾರತೀಯ ಹ್ಯಾಂಡ್ಬಾಲ್ ಫೆಡರೇಷನ್ ಸಹಯೋಗದಲ್ಲಿ ಲೀಗ್ ನಡೆಯಲಿದ್ದು, 18 ದಿನಗಳ ಅಂತರದಲ್ಲಿ 33 ಪಂದ್ಯಗಳು ನಡೆಯಲಿವೆ. ಭಾರತೀಯ ಹ್ಯಾಂಡ್ಬಾಲ್ ಲೀಗ್ ಇತಿಹಾಸದಲ್ಲೇ ಇದೊಂದು ಮಹತ್ತರ ಟೂರ್ನಿ ಇದಾಗಲಿದೆ. ಕೆಳ ಹಂತದ ಆಟಗಾರರಿಗೆ ಇದು ಅನುಕೂಲವಾಗಲಿದೆ ಎಂದು ಎಚ್ಎಫ್ ಐ ಅಧ್ಯಕ್ಷ ಜಗನ್ ಮೋಹನ್ ರಾವ್ ತಿಳಿಸಿದ್ದಾರೆ. ಪುರುಷರ ಆರು ತಂಡಗಳು ಚೊಚ್ಚಲ ಆವೃತ್ತಿಯಲ್ಲಿ ಕಣಕ್ಕಿಳಿಯಲಿವೆ. ತೆಲಂಗಾಣ ಟೈಗರ್ಸ್, ಯುಪಿ ಐಕಾನ್ಸ್, ಮಹಾರಾಷ್ಟ್ರ ಹ್ಯಾಂಡ್ಬಾಲ್ ಹುಸ್ಟ್ಲೆರ್ಸ್, ಕಿಂಗ್ ಹವಾಕ್ಸ್ ರಾಜಸ್ಥಾನ, ಬೆಂಗಾಲ್ ಬ್ಲೂಸ್ ಹಾಗೂ ಪಂಜಾಭ್ ಪಿಟ್ಬುಲ್ಸ್ ಪ್ರಶಸ್ತಿಗಾಗಿ ಸೆಣಸಲಿವೆ. ಪ್ರತಿ ತಂಡದಲ್ಲಿ 14 ಆಟಗಾರರು ಇರಲಿದ್ದು, ಒಟ್ಟು 80 ಆಟಗಾರರು ಲೀಗ್ನಲ್ಲಿ ಆಡಲಿದ್ದಾರೆ ಎಂದರು.
