ಅಂಪೈರ್​ ನಿರ್ಧಾರಕ್ಕೆ ಪ್ರೀತಿ ಜಿಂಟಾ ಕೆಂಡಾಮಂಡಲ! ಪಂದ್ಯ ಮುಗಿದ ಬಳಿಕ ಅಸಮಾಧಾನ | Preity Zinta

Preity Zinta: ನಿನ್ನೆ (ಮೇ.24) ನಡೆದ ಪಂಜಾಬ್ ಕಿಂಗ್ಸ್​ ಮತ್ತು ಡೆಲ್ಲಿ ಕ್ಯಾಪಿಟಲ್ಸ್​ ನಡುವಿನ ಐಪಿಎಲ್ ಪಂದ್ಯದಲ್ಲಿ ಡಿಸಿ 6 ವಿಕೆಟ್​ಗಳ ಜಯ ದಾಖಲಿಸಿತು. ಆದರೆ, ಪಂದ್ಯದ ವೇಳೆ ಆದ ಎಡವಟ್ಟಿಗೆ ಇದೀಗ ಪಂಜಾಬ್ ಕಿಂಗ್ಸ್​ ಸಹ ಮಾಲೀಕರಾದ ಪ್ರೀತಿ ಜಿಂಟಾ ತೀವ್ರ ಅಸಮಾಧಾನ ಹೊರಹಾಕಿದ್ದಾರೆ.

ಇದನ್ನೂ ಓದಿ: ಮಗನನ್ನು ಕ್ರಿಶ್ಚಿಯನ್ ಧರ್ಮಕ್ಕೆ ಮತಾಂತರ ಮಾಡಿದ ಅಮಲಾ ಪೌಲ್! Amala Paul

6 ವಿಕೆಟ್​ ನಷ್ಟಕ್ಕೆ 206 ರನ್​ ಗಳಿಸಿದ ಪಂಜಾಬ್ ಕಿಂಗ್ಸ್​, ಈ ಬೃಹತ್ ಗುರಿಯನ್ನು ಬೆನ್ನತ್ತುವಂತೆ ಡಿಸಿಗೆ ಸವಾಲು ಹಾಕಿತು. ಅಂತೆಯೇ ಅಬ್ಬರದ ಬ್ಯಾಟಿಂಗ್ ನಡೆಸಿದ ಡೆಲ್ಲಿ ಪಡೆ, 19.3 ಓವರ್​ನಲ್ಲಿ ಪಂದ್ಯವನ್ನು ಗೆದ್ದು ಬೀಗಿತು. ಇನ್ನು ಪಂದ್ಯ ಸೋತ ಬೆನ್ನಲ್ಲೇ ಅಂಪೈರ್​ ಮಾಡಿದ ಎಡವಟ್ಟನ್ನು ಎತ್ತಿಹಿಡಿದ ಪ್ರೀತಿ ಜಿಂಟಾ, 15ನೇ ಓವರ್​ನಲ್ಲಿ ಪಂಜಾಬ್ ಪರ ಬ್ಯಾಟ್​ ಮಾಡುತ್ತಿದ್ದ​ ಶಶಾಂಕ್ ಸಿಂಗ್, ಸಿಕ್ಸರ್​ ಶಾಟ್​ ಬಾರಿಸಿದರು. ಬೌಂಡರಿ ಲೈನ್​ನಲ್ಲಿ ನಿಂತಿದ್ದ ಕರುಣ್​ ಕ್ಯಾಚ್​ ಹಿಡಿದರು. ಆದರೆ, ಇದನ್ನು ಔಟ್​ ಎಂದು ಘೋಷಿಸಿದ ಅಂಪೈರ್​ ವಿರುದ್ಧ ಸದ್ಯ ಪ್ರೀತಿ ತಾಳ್ಮೆ ಕಳೆದುಕೊಂಡಿದ್ದಾರೆ.

ಶಶಾಂಕ್ ಸಿಡಿಸಿದ ಶಾಟ್​ ಬೌಂಡರಿ ಲೈನ್​ನತ್ತ ಸಮೀಪಿಸುತ್ತಿದ್ದಂತೆ ಕರುಣ್​ ಕ್ಯಾಚ್ ಹಿಡಿದರು. ಆದರೆ, ಇದು ಸಿಕ್ಸ್​ ಎಂದು ಸ್ವತಃ ಕರುಣ್​ ಅಂಪೈರ್​ಗೆ ಸನ್ನೆ ಮಾಡಿ ತೋರಿಸಿದರು. ಇದನ್ನು ಗಮನಿಸಿದ ಆನ್​-ಫೀಲ್ಡ್ ಅಂಪೈರ್ ಗೊಂದಲದಲ್ಲಿ​ ಥರ್ಡ್​ ಅಂಪೈರ್​ ಬಳಿ ರಿವ್ಯೂವ್ ಕೇಳಿದರು. ಹಲವು ಆಯಾಮಗಳಲ್ಲಿ ನೋಡಿದ ಬಳಿಕ ಅಂಪೈರ್ ಶಶಾಂಕ್ ಸಿಂಗ್​ರನ್ನು ಔಟ್​ ಎಂದು ಘೋಷಿಸಿದರು. ಈ ನಿರ್ಣಯಕ್ಕೆ ತೀವ್ರ ಬೇಸರಗೊಂಡ ಪ್ರೀತಿ, ಟ್ವೀಟ್​ ಮೂಲಕ ತಮ್ಮ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/these-2-heroines-names-for-prabhas-spirit