ಬಾಕ್ಸಿಂಗ್‌ನಲ್ಲಿ ಭಾರತಕ್ಕೆ ಸ್ವರ್ಣ ಗೆದ್ದ ಪ್ರೀತಿ ಪವಾರ್! ಕಾಮನ್​ವೆಲ್ತ್​ ಗೇಮ್ಸ್​ನಲ್ಲಿ 25ಕ್ಕೆ ಏರಿದ ಪದಕಗಳ ಬೇಟೆ | CWG 2026

ಗ್ಲಾಸ್ಗೋ: ಕಾಮನ್‌ವೆಲ್ತ್ ಕ್ರೀಡಾಕೂಟದಲ್ಲಿ (CWG 2026) ಶನಿವಾರ ನಡೆದ ಮಹಿಳೆಯರ 54 ಕೆಜಿ ವಿಭಾಗದ ಅಂತಿಮ ಸುತ್ತಿನಲ್ಲಿ ಹರಿಯಾಣದ ಮೂಲದ ಬಾಕ್ಸರ್ ಪ್ರೀತಿ ಪವಾರ್ ಚಿನ್ನದ ಪದಕಕ್ಕೆ ಮುತ್ತಿಟ್ಟಿದ್ದಾರೆ.

ಮಹಿಳೆಯರ 54 ಕೆಜಿ ವಿಭಾಗದ ರೋಚಕ ಫೈನಲ್ ಹಣಾಹಣಿಯಲ್ಲಿ ಕೆನಡಾದ ಬಲಶಾಲಿ ಸ್ಕಾರ್ಲೆಟ್ ಸವನ್ನಾ ಡೆಲ್ಗಾಡೊ ವಿರುದ್ಧ ಸೆಣಸಿದ 22 ವರ್ಷದ ಪ್ರೀತಿ ಪವಾರ್, ಆರಂಭದಿಂದಲೂ ಸಂಪೂರ್ಣ ಪ್ರಾಬಲ್ಯ ಸಾಧಿಸಿದ್ದರು.. ಅಂತಿಮವಾಗಿ ಐವರೂ ತೀರ್ಪುಗಾರರ ಸರ್ವಾನುಮತದ 5-0 ಅಂತರದಲ್ಲಿ ಎದುರಾಳಿಯನ್ನು ಮಣಿಸಿ, ಭಾರತಕ್ಕೆ ಚಿನ್ನದ ಪದಕವನ್ನು ಗೆದ್ದುಕೊಟ್ಟಿದ್ದಾರೆ.

ಈ ಬಾರಿಯ ಕಾಮನ್‌ವೆಲ್ತ್ ಕ್ರೀಡಾಕೂಟದಲ್ಲಿ ಭಾರತಕ್ಕೆ ಬಾಕ್ಸಿಂಗ್‌ನಲ್ಲಿ ಸಿಕ್ಕ ಮೊದಲ ಸ್ವರ್ಣ ಪದಕ ಇದಾಗಿದ್ದು, ಒಟ್ಟು ಪದಕಗಳ ಸಂಖ್ಯೆ ಈಗ 25ಕ್ಕೆ ಏರಿದೆ. ಕುಸ್ತಿಯ ಅಖಾಡದಲ್ಲಿ ಭಾರತೀಯ ಬಾಕ್ಸರ್‌ಗಳು ಮೇಲುಗೈ ಸಾಧಿಸಿದ್ದು, ಜೈಸ್ಮಿನ್ ಲಂಬೋರಿಯಾ ಸೇರಿದಂತೆ ಮತ್ತಷ್ಟು ಪ್ರಮುಖ ಸ್ಪರ್ಧಿಗಳು ಪದಕದ ಗೆಲುವಿಗೆ ಸನ್ನಿಹಿತರಾಗಿದ್ದಾರೆ,(ಏಜೆನ್ಸೀಸ್).