ಪಿಎಸ್ಎಲ್ ತ್ಯಜಿಸಿ ಜಾಮ್ನಗರಕ್ಕೆ ಬಂದ ಪೊಲ್ಲಾರ್ಡ್: ಕರಾಚಿ ಕಿಂಗ್ಸ್ ತಂಡದ ಪರ ಆಡುತ್ತಿದ್ದ ವೆಸ್ಟ್ ಇಂಡೀಸ್ ಆಲ್ರೌಂಡರ್ ಕೈರಾನ್ ಪೊಲ್ಲಾರ್ಡ್ ಪಿಎಸ್ಎಲ್ ಟೂರ್ನಿಯನ್ನು ಅರ್ಧದಲ್ಲೇ ತ್ಯಜಿಸಿ ಮುಂಬೈ ಇಂಡಿಯನ್ಸ್ ಮಾಲೀಕರಾದ ಮುಕೇಶ್&ನೀತಾ ಅಂಬಾನಿ ಪುತ್ರ ಅನಂತ್ ಅಂಬಾನಿ ವಿವಾಹಪೂರ್ವ ಸಮಾರಂಭಕ್ಕಾಗಿ ಜಾಮ್ನಗರಕ್ಕೆ ಆಗಮಿಸಿದ್ದಾರೆ. ಇದು ಪಿಎಸ್ಎಲ್ ಇನ್ನಷ್ಟು ಟ್ರೋಲ್ಗಳಿಗೆ ಒಳಗಾಗಲು ಕಾರಣವಾಗಿದೆ. ಪಿಎಸ್ಎಲ್ ಯೋಗ್ಯತೆ ಏನೆಂಬುದನ್ನು ಇದು ತೋರಿಸುತ್ತಿದೆ, ಇದು ಪಿಎಸ್ಎಲ್ಗೆ ಆಗಿರುವ ಮುಖಭಂಗ ಎಂದು ಭಾರತದ ಕ್ರಿಕೆಟ್ ಪ್ರೇಮಿಗಳು ತಮಾಷೆ ಮಾಡಿದ್ದಾರೆ. ಪೊಲ್ಲಾರ್ಡ್ 2010ರಿಂದ ಮುಂಬೈ ಇಂಡಿಯನ್ಸ್ ಜತೆಗೆ ವಿಶೇಷ ಸಂಬಂಧ ಹೊಂದಿದ್ದಾರೆ.
