ಬೌಲಿಂಗ್ ಚೆನ್ನಾಗಿತ್ತು! ಆದ್ರೆ... 'ಹ್ಯಾಟ್ರಿಕ್' ಸೋಲಿನ ಬೆನ್ನಲ್ಲೇ ಪ್ಯಾಟ್​ ಕಮ್ಮಿನ್ಸ್ ಬೇಸರ! | Pat Cummins

Pat Cummins: ನಿನ್ನೆ (ಏ.03) ನಡೆದ ಕೆಕೆಆರ್ ಮತ್ತು ಎಸ್​ಆರ್​ಎಚ್​ ನಡುವಿನ ಪಂದ್ಯದಲ್ಲಿ ಅಂಗಕ್ರಿಶ್ ರಘುವಂಶಿ (50 ರನ್, 32 ಎಸೆತ, 5 ಬೌಂಡರಿ, 2 ಸಿಕ್ಸರ್) ಹಾಗೂ ವೆಂಕಟೇಶ್ ಅಯ್ಯರ್ (60 ರನ್, 29 ಎಸೆತ, 7 ಬೌಂಡರಿ, 3 ಸಿಕ್ಸರ್) ಬಿರುಸಿನ ಬ್ಯಾಟಿಂಗ್ ಜತೆಗೆ ಬೌಲರ್‌ಗಳ ಸಂಘಟಿತ ನಿರ್ವಹಣೆಯ ನೆರವಿನಿಂದ ಹಾಲಿ ಚಾಂಪಿಯನ್ ಕೆಕೆಆರ್​, ಸನ್‌ರೈಸರ್ಸ್‌ ಹೈದರಾಬಾದ್ ತಂಡವನ್ನು 80 ರನ್‌ಗಳ ಭಾರೀ ಅಂತರದಲ್ಲಿ ಮಣಿಸಿತು.

ಇದನ್ನೂ ಓದಿ: 19ನೇ ವಯಸ್ಸಿಗೆ ದುರಂತ ಅಂತ್ಯ ಕಂಡ ಸ್ಟಾರ್​ ನಟಿ ಈಕೆ! ಸೌಂದರ್ಯದಲ್ಲಿ ಶ್ರೀದೇವಿಯನ್ನೇ ಮೀರಿಸಿದವರು | Actress

ಈ ಬೃಹತ್ ಗೆಲುವು ದಾಖಲಿಸಿದ ಅಜಿಂಕ್ಯ ರಹಾನೆ ಪಡೆ ಗೆಲುವಿನ ಹಳಿ ಏರಿದರೆ, ಟೂರ್ನಿಯಲ್ಲಿ ಸತತ 3ನೇ ಸೋಲಿಗೆ ತುತ್ತಾದ ಪ್ಯಾಟ್ ಕಮ್ಮಿನ್ಸ್ ಬಳಗ ಅಂಕಪಟ್ಟಿಯಲ್ಲಿ ಕೊನೇ ಸ್ಥಾನಕ್ಕೆ ಜಾರಿತು. ಇದೇ ಬೇಸರದಲ್ಲಿದ್ದ ಸನ್​ರೈಸರ್ಸ್​ ಹೈದರಾಬಾದ್ ಕ್ಯಾಪ್ಟನ್ ಕಮ್ಮಿನ್ಸ್​, ತಮ್ಮ ತಂಡದ ವಿರುದ್ಧ ತೀವ್ರ ಬೇಸರ ಹೊರಹಾಕಿದರು. ಇದು ಫ್ರಾಂಚೈಸಿ ಅಭಿಮಾನಿಗಳನ್ನು ಕೆರಳಿಸಿದೆ.

ಐಪಿಎಲ್​ ಆವೃತ್ತಿಯ ಪ್ರಾರಂಭವಾದಾಗಿನಿಂದ ಕೇವಲ ಒಂದೇ ಒಂದು ಪಂದ್ಯದಲ್ಲಿ ಮಾತ್ರ ಉತ್ತಮ ಆಲ್​ರೌಂಡ್ ಪ್ರದರ್ಶನ ನೀಡಿರುವ ಎಸ್​ಆರ್​ಚ್​, ನಂತರದ ಪಂದ್ಯದಗಳಲ್ಲಿ ತೀರ ಕಳಪೆ ಪ್ರದರ್ಶನ ನೀಡಿದೆ. ಇದರಿಂದ ಐಪಿಎಲ್​ 18ನೇ ಆವೃತ್ತಿಯಲ್ಲಿ ಹ್ಯಾಟ್ರಿಕ್​ ಸೋಲನ್ನು ಅನುಭವಿಸಿದೆ. ಈ ಸೋಲಿನಿಂದ ಕಂಗೆಟ್ಟಿರುವ ಕ್ಯಾಪ್ಟನ್ ಕಮ್ಮಿನ್ಸ್​, ಫೀಲ್ಡಿಂಗ್ ಮತ್ತು ಬ್ಯಾಟಿಂಗ್ ವೈಫಲ್ಯಗಳಿಂದ ನಾವು ಸೋತೆವು ಎಂದಿದ್ದಾರೆ.

ಇದನ್ನೂ ಓದಿ: ಬಿಜೆಪಿಯವರು ಮೊದಲು ಕೇಂದ್ರದ ವಿರುದ್ಧ ಪ್ರತಿಭಟಿಸಲಿ: ಸಚಿವೆ ಲಕ್ಷ್ಮೀ ಹೆಬ್ಬಾಳ್ಕರ

"ಒಟ್ಟಿಗೆ ಒಂದು ತಂಡವಾಗಿ ನಾವು ಉತ್ತಮವಾಗಿ ಕಾಣಿಸಲಿಲ್ಲ. ವಿಕೆಟ್​ಗಳನ್ನು ಪಡೆದ ರೀತಿ ಚೆನ್ನಾಗಿತ್ತು. ಆದರೆ, ಹಲವು ಅವಕಾಶಗಳನ್ನು ಸದುಪಯೋಗ ಪಡಿಸಿಕೊಳ್ಳುವಲ್ಲಿ ನಾವು ವಿಫಲವಾದೆವು. ಫೀಲ್ಡಿಂಗ್​ನಲ್ಲಿ ಒಂದಷ್ಟು ಮಿಸ್ಟೇಕ್​ಗಳು ಆಯಿತು. ಈ ಸೋಲಿನಿಂದ ಒಳ್ಳೆಯ ಪಾಠ ಪಡೆದಿದ್ದೀವಿ. ಮುಂದೆ ಇಂತಹ ತಪ್ಪುಗಳು ಮರುಕಳಿಸದಂತೆ ಎಚ್ಚರ ವಹಿಸುತ್ತೇವೆ" ಎಂದು ಕಮ್ಮಿನ್ಸ್ ಬೇಸರ ಹೊರಹಾಕಿದ್ದಾರೆ,(ಏಜೆನ್ಸೀಸ್).

https://www.vijayavani.net/actress-who-surpassed-sridevi-in-beauty