ಪಾಕಿಸ್ತಾನದ​ ಕ್ರಿಕೆಟಿಗರಿಗೆ 4 ತಿಂಗಳಿನಿಂದ ವೇತನವಿಲ್ಲ! ಆರ್ಥಿಕ ಮುಗ್ಗಟ್ಟಿನಿಂದ ಪಿಸಿಬಿ ತತ್ತರ!

ಲಾಹೋರ್​: ಪಾಕಿಸ್ತಾನ ಕ್ರಿಕೆಟ್​ ಮಂಡಳಿ (ಪಿಸಿಬಿ) ಸದ್ಯ ಆರ್ಥಿಕ ಮುಗ್ಗಟ್ಟಿಗೆ ಸಿಲುಕಿರುವುದರಿಂದ ಕಳೆದ 4 ತಿಂಗಳಿನಿಂದ ತನ್ನ ರಾಷ್ಟ್ರೀಯ ತಂಡದ ಆಟಗಾರರಿಗೆ ವೇತನವನ್ನೇ ನೀಡಿಲ್ಲ ಎಂದು ವರದಿಯಾಗಿದೆ. ಪಾಕಿಸ್ತಾನ ತಂಡದ ಕಳಪೆ ಫಾರ್ಮ್​ ಮತ್ತು ಆಟಗಾರರ ನಡುವಿನ ಒಡಕಿನ ನಡುವೆ ಇದೊಂದು ಹೊಸ ಸಮಸ್ಯೆಯಾಗಿದೆ. ಜುಲೈನಿಂದ ಅಕ್ಟೋಬರ್​ವರೆಗಿನ ವೇತನವನ್ನು ಪಿಸಿಬಿ ಬಳಿಕ ಉಳಿಸಿಕೊಂಡಿದೆ. ಪಿಸಿಬಿಯ ಕೇಂದ್ರಿಯ ಗುತ್ತಿಗೆ ಹೊಂದಿರುವ ಆಟಗಾರರು ವೇತನ ವಿಳಂಬದಿಂದಾಗಿ ಗರಂ ಆಗಿದ್ದಾರೆ ಎನ್ನಲಾಗಿದೆ.

ಪಿಸಿಬಿ 2023ರಲ್ಲಿ ಆಟಗಾರರಿಗೆ 2026ರವರೆಗೆ 3 ವರ್ಷಗಳ ವಾರ್ಷಿಕ ಒಪ್ಪಂದ ನೀಡಿತ್ತು. 2023ರ ಏಕದಿನ ವಿಶ್ವಕಪ್​ ವೈಲ್ಯದ ಬಳಿಕ ಪಿಸಿಬಿ ಈ ಗುತ್ತಿಗೆಯನ್ನು ಪರಿಷ್ಕರಿಸಿತ್ತು. ಇತ್ತೀಚೆಗೆ ಪಾಕ್​ ತಂಡ ಬಾಂಗ್ಲಾ ವಿರುದ್ಧವೂ ಟೆಸ್ಟ್​ ಸರಣಿ ಸೋತ ಬಳಿಕ ಪಿಸಿಬಿ ಅಧ್ಯಕ್ಷ ಮೊಹ್ಸಿನ್​ ನಖ್ವಿ, ಫಿಟ್ನೆಸ್​ ಪರೀೆಯಲ್ಲಿ ಉತ್ತೀರ್ಣರಾಗದ ಆಟಗಾರರಿಗೆ ಕೇಂದ್ರಿಯ ಗುತ್ತಿಗೆ ನೀಡುವುದಿಲ್ಲ ಎಂದೂ ಹೇಳಿದ್ದಾರೆ.

ಈ ನಡುವೆ ಬಾಬರ್​ ಅಜಮ್​ ಸೀಮಿತ ಓವರ್​ ತಂಡದ ನಾಯಕತ್ವ ತ್ಯಜಿಸಿದ್ದು, ಇನ್ನೂ 6 ತಿಂಗಳಿಗೂ ಕಡಿಮೆ ಅವಧಿಯಲ್ಲಿ ತವರಿನಲ್ಲಿ ನಡೆಯಲಿರುವ ಐಸಿಸಿ ಚಾಂಪಿಯನ್ಸ್​ ಟ್ರೋಫಿಗೆ ಮುನ್ನ ಪಾಕ್​ ತಂಡಕ್ಕೆ ಮತ್ತಷ್ಟು ಇಕ್ಕಟ್ಟು ಎದುರಾಗಿದೆ.

https://www.vijayavani.net/virat-kohli-criticized-for-dehydration-fake-fitness-during-kanpur-test-this-is-because