ಕಳೆದ ವರ್ಷದ ಪ್ರಶಸ್ತಿ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದ ದಕ್ಷಿಣ ಆಫ್ರಿಕಾದ ಫಾಫ್ ಡು ಪ್ಲೆಸಿಸ್ರನ್ನು ಆರ್ಸಿಬಿಗೆ ಬಿಟ್ಟುಕೊಟ್ಟ ಬಗ್ಗೆ ಬೇಸರ ವ್ಯಕ್ತಪಡಿಸಿರುವ ಕಾಶಿ ವಿಶ್ವನಾಥನ್, ಡ್ವೇನ್ ಬ್ರಾವೊ, ಅಂಬಟಿ ರಾಯುಡು, ರಾಬಿನ್ ಉತ್ತಪ್ಪ, ಮಿಚೆಲ್ ಸ್ಯಾಂಟ್ನರ್ ಮತ್ತು ದೀಪಕ್ ಚಹರ್ರನ್ನು ಉಳಿಸಿಕೊಳ್ಳಲು ಯಶಸ್ವಿಯಾದ ಬಗ್ಗೆ ಸಂತಸ ವ್ಯಕ್ತಪಡಿಸಿದ್ದಾರೆ. ‘ಹರಾಜಿನ ಆರ್ಥಿಕ ಲೆಕ್ಕಾಚಾರ ಭಿನ್ನವಾದುದು. ಎಲ್ಲರನ್ನೂ ರಿಟೇನ್ ಮಾಡಿಕೊಳ್ಳುವುದು ಕಷ್ಟಕರ. ಹೀಗಾಗಿ ಕೆಲವರನ್ನು ಕಳೆದುಕೊಳ್ಳಲೇಬೇಕಾಗುತ್ತದೆ. ಅವರ ಬದಲಿಗೆ ಬೇರೆಯವರನ್ನು ಪಡೆದುಕೊಂಡಿದ್ದೇವೆ. ಇನ್ನೀಗ ಅವರಿಂದ ನಾವು ನಮಗೆ ಬೇಕಾದ ಶ್ರೇಷ್ಠ ನಿರ್ವಹಣೆಯನ್ನು ಪಡೆದುಕೊಳ್ಳಬೇಕಿದೆ’ ಎಂದು ಕಾಶಿ ವಿವರಿಸಿದ್ದಾರೆ.
