ರೈಬಕಿನಾಗೆ 2ನೇ ಸೆಮೀಸ್: 2022ರ ಚಾಂಪಿಯನ್ ಕಜಾಕಿಸ್ತಾನದ ರೈಬಕಿನಾ ಮಹಿಳಾ ಸಿಂಗಲ್ಸ್ನಲ್ಲಿ 2ನೇ ಬಾರಿ ಉಪಾಂತ್ಯಕ್ಕೇರಿದ್ದಾರೆ. ಟೂರ್ನಿಯಲ್ಲಿ ಉಳಿದಿರುವ ಪ್ರಮುಖ ಶ್ರೇಯಾಂಕಿತೆಯಾಗಿರುವ 25 ವರ್ಷದ ರೈಬಕಿನಾ 6-3, 6-2 ರಿಂದ ಯೂಕ್ರೇನ್ನ ಎಲಿನಾ ಸ್ವಿಟೋಲಿನಾ ಎದುರು ಸಲಭ ಗೆಲುವು ದಕ್ಕಿಸಿಕೊಂಡರು. ಇದು ವೃತ್ತಿಜೀವನದ 3ನೇ ಗ್ರಾಂಡ್ ಸ್ಲಾಂ ಸೆಮೀಸ್ ಎನಿಸಿದೆ. ಇನ್ನೊಂದು ಕ್ವಾರ್ಟರ್ಫೈನಲ್ನಲ್ಲಿ 31ನೇ ಶ್ರೇಯಾಂಕಿತೆ ಬಾರ್ಬೊರಾ ಕ್ರೆಜಿಕೋವಾ 6-4, 7-6 (4) ರಿಂದ 13ನೇ ಶ್ರೇಯಾಂಕಿತೆ ಜೆಲೆನಾ ಒಸ್ತಾಪೆಂಕೊ ಅವರನ್ನು ಮಣಿಸಿ ಚೊಚ್ಚಲ ಬಾರಿ ವಿಂಬಲ್ಡನ್ ಸೆಮೀಸ್ಗೇರಿದ ಸಾಧನೆ ಮಾಡಿದರು. ಕ್ರೆಜಿಕೋವಾ 2021ರ ಫ್ರೆಂಚ್ ಓಪನ್ ಚಾಂಪಿಯನ್ ಎನಿಸಿದರೆ, ಒಸ್ತಾಪೆಂಕೊ 2017ರಲ್ಲಿ ಪ್ರಶಸ್ತಿ ಜಯಿಸಿದ್ದರು. ಮಹಿಳಾ ಸೆಮಿಫೈನಲ್ನಲ್ಲಿ ರೈಬಕಿನಾ-ಕ್ರೆಜಿಕೋವಾ ಹಾಗೂ ಡೊನ್ನಾ ವೆಕಿಕ್- ಜಾಸ್ಮಿನ್ ಪಾವೊಲಿನಿ ಪರಸ್ಪರ ಎದುರಾಗಲಿದ್ದಾರೆ.
