ಏಷ್ಯನ್​ ಅಂಡರ್​-20 ಅಥ್ಲೆಟಿಕ್ಸ್​: ಕರ್ನಾಟಕದ ನಿಖಿಲ್ ಚಂದ್ರಶೇಖರ್​​ಗೆ ಚಿನ್ನದ ಪದಕ

ಹಾಂಕಾಂಗ್​ನ ಕೈ ತಕ್​ ಯೂತ್​ ಸ್ಪೋರ್ಟ್ಸ್​ ಗ್ರೌಂಡ್​ನಲ್ಲಿ ಶನಿವಾರ ನಡೆದ ಸ್ಪರ್ಧೆಯಲ್ಲಿ ಭಾರತವನ್ನು ಪ್ರತಿನಿಧಿಸಿದ ನಿಖಿಲ್​ 9 ನಿಮಿಷ, 25.44 ಸೆಕೆಂಡ್​ಗಳಲ್ಲಿ ಸ್ಪರ್ಧೆ ಮುಗಿಸುವ ಮೂಲಕ ವೈಯಕ್ತಿಕ ಶ್ರೇಷ್ಠ ನಿರ್ವಹಣೆಯೊಂದಿಗೆ ಚಿನ್ನದ ಪದಕಕ್ಕೆ ಕೊರಳೊಡ್ಡಿದರು.

ಕೂಟದ ಮೂರನೇ ದಿನ ಭಾರತ ಒಟ್ಟು 3 ಚಿನ್ನದ ಪದಕ ಬಾಚಿಕೊಂಡಿತು. ಈ ಮೂಲಕ ಭಾರತ ಕೂಟದ ಪದಕಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿ ಮುಂದುರಿದಿದೆ. ಚೀನಾ 10 ಚಿನ್ನದ ಪದಕದೊಂದಿಗೆ ಅಗ್ರಸ್ಥಾನದಲ್ಲಿದೆ.

ಭಾರತದ ಬಸಂತ್​ ಹೈಜಂಪ್​ ಮತ್ತು ಶಹನವಾಜ್​ ಖಾನ್​ ಲಾಂಗ್​ ಜಂಪ್​ನಲ್ಲಿ ಸ್ವರ್ಣ ಪದಕ ಗೆದ್ದುಕೊಂಡರು. ಇದರಿಂದ ಭಾರತ ಕೂಟದಲ್ಲಿ ಇದುವರೆಗೆ ಗೆದ್ದ ಚಿನ್ನದ ಪದಕಗಳ ಸಂಖ್ಯೆ 7ಕ್ಕೇರಿದೆ. ಭಾರತದ ಆರತಿ ಮಹಿಳೆಯರ 200 ಮೀ. ಓಟದಲ್ಲಿ 24.12 ಸೆಕೆಂಡ್​ಗಳಲ್ಲಿ ಸ್ಪರ್ಧೆ ಮುಗಿಸಿ ಕಂಚಿನ ಪದಕ ಒಲಿಸಿಕೊಂಡರು.