ಪಾಕ್​ ಎದುರು ಕಿವೀಸ್​ಗೆ ಭರ್ಜರಿ ಗೆಲುವು: ಆರ್​ಸಿಬಿ ಮಾಜಿ ಬ್ಯಾಟರ್​ನ ಬಿರುಸಿನ ಬ್ಯಾಟಿಂಗ್​

ಹಾಮಿಲ್ಟನ್​: ಆರಂಭಿಕ ಫಿನ್​ ಅಲೆನ್​ (74 ರನ್​, 41 ಎಸೆತ, 7 ಬೌಂಡರಿ, 5 ಸಿಕ್ಸರ್​) ಭರ್ಜರಿ ಬ್ಯಾಟಿಂಗ್​ ನೆರವಿನಿಂದ ಆತಿಥೇಯ ನ್ಯೂಜಿಲೆಂಡ್​ ತಂಡ ಎರಡನೇ ಟಿ20 ಪಂದ್ಯದಲ್ಲಿ ಪ್ರವಾಸಿ ಪಾಕಿಸ್ತಾನ ಎದುರು 21 ರನ್​ಗಳ ಗೆಲುವು ದಾಖಲಿಸಿದೆ. ಇದರೊಂದಿಗೆ ಕೇನ್​ ವಿಲಿಯಮ್ಸನ್​ ಬಳಗ ಐದು ಪಂದ್ಯಗಳ ಸರಣಿಯಲ್ಲಿ 2&0 ಮುನ್ನಡೆ ಕಂಡಿದೆ.

ಭಾನುವಾರ ನಡೆದ ಪಂದ್ಯದಲ್ಲಿ ಟಾಸ್​ ಸೋತು ಬ್ಯಾಟಿಂಗ್​ ಇಳಿದ ನ್ಯೂಜಿಲೆಂಡ್​ 8 ವಿಕೆಟ್​ಗೆ 194 ರನ್​ಗಳ ಸವಾಲಿನ ಮೊತ್ತ ಪೇರಿಸಿತು. ಪ್ರತಿಯಾಗಿ ಬಾಬರ್​ ಅಜಮ್​ (66 ರನ್​, 43 ಎಸೆತ, 7 ಬೌಂಡರಿ, 2 ಸಿಕ್ಸರ್​) ಹಾಗೂ ಖರ್​ ಜಮಾನ್​ (50 ರನ್​, 25 ಎಸೆತ, 3 ಬೌಂಡರಿ, 5 ಸಿಕ್ಸರ್​) ಅವಳಿ ಅರ್ಧಶತಕಗಳ ನಡುವೆಯೂ ಪಾಕಿಸ್ತಾನ 19.3 ಓವರ್​ಗಳಲ್ಲಿ 173 ರನ್​ಗಳಿಗೆ ಸರ್ವಪತನ ಕಂಡಿತು. ವೇಗಿ ಆಡಂ ಮಿಲ್ನೆ (33ಕ್ಕೆ 4) ಪಾಕ್​ಗೆ ಕಡಿವಾಣ ಹೇರಿದರು. ಮೂರನೇ ಟಿ20 ಪಂದ್ಯ ಬುಧವಾರ ನಡೆಯಲಿದೆ.

ನ್ಯೂಜಿಲೆಂಡ್​: 8 ವಿಕೆಟ್​ಗೆ 194 (ಅಲೆನ್​ 74, ವಿಲಿಯಮ್ಸನ್​ 26, ಡೆರಿಲ್​ 17, ಸ್ಯಾಂಟ್ನರ್​ 25, ಹ್ಯಾರಿಸ್​ ರ್​ೌ 38ಕ್ಕೆ 3, ಅಬ್ಬಾಸ್​ ಅಫ್ರಿದಿ 43ಕ್ಕೆ 2). ಪಾಕಿಸ್ತಾನ: 19.3 ಓವರ್​ಗಳಲ್ಲಿ 173 (ರಿಜ್ವಾನ್​ 7, ಬಾಬರ್​ 66, ಖರ್​ 50, ಶಹೀನ್​ ಷಾ ಅಫ್ರಿದಿ 22, ಆಡಂ ಮಿಲ್ನೆ 33ಕ್ಕೆ 4, ಬೆನ್​ ಸಿರ್ಸ್​ 28ಕ್ಕೆ 2). ಪಂದ್ಯಶ್ರೇಷ್ಠ: ಫಿನ್​ ಅಲೆನ್​.