ಅರ್ಹತಾ ಸುತ್ತಿನಲ್ಲಿ ಗ್ರೆನೇಡಾದ ಆಂಡರ್ಸನ್ ಪೀಟರ್ಸ್ ಸರ್ವಾಧಿಕ 89.53 ಮೀ. ದೂರ ಭರ್ಜಿ ಎಸೆದರೆ, ಜರ್ಮನಿಯ ಜೂಲಿಯನ್ ವೆಬರ್ 87.21 ಮೀ, ಕೀನ್ಯಾದ ಜೂಲಿಯಸ್ ಯೆಗೋ 85.96 ಮೀ, ಪೋಲೆಂಡ್ನ ಡೇವಿಡ್ ವೆಗ್ನರ್ 85.67 ಮೀ, ಪ್ಯಾರಿಸ್ ಒಲಿಂಪಿಕ್ಸ್ ಚಾಂಪಿಯನ್ ಪಾಕಿಸ್ತಾನದ ಅರ್ಷದ್ ನದೀಂ 85.28 ಮೀ. ಎಸೆದರು. ನೀರಜ್ ಅರ್ಹತಾ ಸುತ್ತಿನಲ್ಲಿ ಒಟ್ಟಾರೆ 6ನೇ ಸ್ಥಾನ ಪಡೆದರು. ಬಿ ಗುಂಪಿನಲ್ಲಿ ಸ್ಪರ್ಧಿಸಿದ 28 ವರ್ಷದ ನದೀಂ ಮೊದಲ 2 ಎಸೆತಗಳಲ್ಲಿ 80 ಮೀ. ಗಡಿ ದಾಟದೆ ನಿರಾಸೆ ಅನುಭವಿಸಿದರು. ಕೊನೆಗೂ 3ನೇ ಹಾಗೂ ಅಂತಿಮ ಯತ್ನದಲ್ಲಿ ನದೀಂ ಫೈನಲ್ ಮಾನದಂಡ ತಲುಪುವಲ್ಲಿ ಯಶಸ್ವಿಯಾದರು. ಫೈನಲ್ನಲ್ಲಿ ನೀರಜ್- ನದೀಂ ಕಳೆದ ವರ್ಷದ ಪ್ಯಾರಿಸ್ ಒಲಿಂಪಿಕ್ಸ್ ಬಳಿಕ ಮೊದಲ ಬಾರಿ ಮುಖಾಮುಖಿ ಆಗಲಿದ್ದಾರೆ.
