ಇತ್ತೀಚೆಗೆ ನೀಡಿದ ಸಂದರ್ಶನವೊಂದರಲ್ಲಿ ನೀರಜ್ ಚೋಪ್ರಾ ತಮ್ಮ ಆಹಾರ ಕ್ರಮದ ಬಗ್ಗೆ ಹೇಳಿದ್ದಾರೆ. ಬೆಳಗ್ಗೆ ಉಪಹಾರದಲ್ಲಿ ಹಣ್ಣುಗಳು, ಮೊಸರು, ಓಟ್ಸ್, 3-4 ಮೊಟ್ಟೆಯ ಬಿಳಿಭಾಗ, 2 ಬ್ರೆಡ್ ಪೀಸ್. ಅದಲ್ಲದೆ ಜ್ಯೂಸ್ ಅಥವಾ ಎಳನೀರು, ಡ್ರೈಫ್ರೂಟ್ಸ್ ಸೇವಿಸುತ್ತೇನೆ ಎಂದಿದ್ದಾರೆ. ಮಧ್ಯಾಹ್ನದ ಊಟಕ್ಕೆ ಮೊಸರು, ರೈಸ್, ದಾಲ್, ತರಕಾರಿ, ಗ್ರಿಲ್ಡ್ ಚಿಕನ್ ಮತ್ತು ಸಲಾಡ್ ಅವರ ಆದ್ಯತೆ ಆಗಿದೆಯಂತೆ, ಸಂಜೆ ಸಮಯದಲ್ಲಿ ಬಾಳೆಹಣ್ಣು, ಡ್ರೈಫ್ರೂಟ್ಸ್, ತಾಜಾ ಹಣ್ಣಿನ ಜ್ಯೂಸ್ ಇದ್ದರೆ, ರಾತ್ರಿ ಊಟಕ್ಕೆ ಕಾರ್ಬೋಹೈಡ್ರೇಟ್ ಒಳಗೊಂಡಿರುವ ಆಹಾರವನ್ನು ತಪ್ಪಿಸುವುದಾಗಿ ತಿಳಿಸಿದ್ದಾರೆ. ತರಕಾರಿಗಳು, ಸಲಾಡ್ಗಳು, ಪ್ರೋಟೀನ್ ಇರುವ ಆಹಾರವನ್ನು ಸೇವಿಸುವಾಗಿ ಹೇಳಿದ್ದಾರೆ. ಮಲಗುವ ಮುನ್ನ ಹಾಲು, ಖರ್ಜೂರ ನನ್ನ ಆಹಾರ ಕ್ರಮದಲ್ಲಿ ಇರುತ್ತದೆ ಎಂದು ಹೇಳಿದರು.
