ಮಾಜಿ ಪತ್ನಿ ನತಾಶಾಗೆ ಮೋಸ ಮಾಡಿದ್ದೇ ಹಾರ್ದಿಕ್ ಪಾಂಡ್ಯ! ಸೋಶಿಯಲ್​ ಮೀಡಿಯಾದಲ್ಲಿ ಭಾರಿ ಚರ್ಚೆ

ನವದೆಹಲಿ: ಹಾರ್ದಿಕ್ ಪಾಂಡ್ಯ ಮತ್ತು ನತಾಶಾ ಸ್ಟಾಂಕೋವಿಕ್ ಅವರು ದಾಂಪತ್ಯದ ಕುರಿತಾಗಿ ಪ್ರತ್ಯೇಕತೆಯ ಊಹಾಪೋಹಗಳು IPL 2024 ರಿಂದ ಪ್ರಾರಂಭವಾಯಿತು ಮತ್ತು ವಿಶ್ವಕಪ್ 2024 ರೊಂದಿಗೆ ಕೊನೆಗೊಂಡಿತು. ಭಾರತವು 2024 ರ ವಿಶ್ವಕಪ್ ಗೆದ್ದ ನಂತರ ಅವರು ತಮ್ಮ ವಿಚ್ಛೇದನವನ್ನು ಘೋಷಿಸಿದರು. ಈ ಜೋಡಿ ದೂರವಾಗಿದೆ. ಆದರೆ ಈ ಜೋಡಿ ಬೇರೆಯಾಗಲು ಕಾರಣವನ್ನು ಅಭಿಮಾನಿಗಳು ಹಡುಕುತ್ತಿದ್ದಾರೆ. ಈಗ ಹೊಸ ಸುದ್ದಿಯೊಂದು ವೈರಲ್​​ ಆಗುತ್ತಿದೆ.

ಹಾರ್ದಿಕ್ ಮತ್ತು ನತಾಶಾ 2020 ರಲ್ಲಿ ಮದುವೆ ಆದರು. ಮುದ್ದಾದ ಮಗ ಕೂಡಾ ಈ ಜೋಡಿಗೆ ಇದ್ದಾನೆ. ಜುಲೈ 2024 ರಲ್ಲಿ ಅವರು ಬೇರೆಯಾಗಲು ನಿರ್ಧರಿಸಿದ್ದಾರೆ ಎಂದು ಘೋಷಿಸಿದರು. ಸುದ್ದಿ ಹಲವರ ಹೃದಯವನ್ನು ಒಡೆಯಿತು. ಬಹಳಷ್ಟು ಜನರು ಹಾರ್ದಿಕ್ ಪಾಂಡ್ಯ ಬಗ್ಗೆ ಸಹಾನುಭೂತಿ ಹೊಂದಿದ್ದರು ಮತ್ತು ನತಾಶಾ ಸ್ಟಾಂಕೋವಿಕ್ ಅವರ ನಿರ್ಧಾರಕ್ಕಾಗಿ ನೆಟಿಜನ್‌ಗಳು ಅವಳನ್ನು ದೂಷಿಸುತ್ತಿದ್ದರು.

ಸೋಶಿಯಲ್​ ಮೀಡಿಯಾ ವೇದಿಕೆಯಲ್ಲಿ ಒಂದಾಗಿರುವ ರೆಡ್ಡಿಟ್‌ನಲ್ಲಿ, ನತಾಶಾ ಸ್ಟಾಂಕೋವಿಕ್​​ಗೆ ಹಾರ್ದಿಕ್ ಪಾಂಡ್ಯ ಮೋಸ ಮಾಡಿದ್ದಾರೆ ಎಂದು ಸೂಚಿಸುವ ಪೋಸ್ಟ್ ಅನ್ನು ಬಳಕೆದಾರರು ಹಂಚಿಕೊಂಡಿದ್ದಾರೆ. ನತಾಶಾ ಅವರು ಸಾಮಾಜಿಕ ಜಾಲತಾಣದಲ್ಲಿ ತೊಡಗಿಕೊಂಡಿರುವುದು ಹಾಗೂ ಅವರ ಚಟುವಟಿಕೆಗಳಿಂದ ಒಂದು ಊಹಾಪೋಹ ಸುದ್ದಿ ವೈರಲ್​ ಆಗುತ್ತಿದೆ.

ನತಾಸಾ ಅವರು ಇಷ್ಟಪಟ್ಟ ಪೋಸ್ಟ್‌ಗಳ ಸ್ಕ್ರೀನ್‌ಶಾಟ್‌ಗಳನ್ನು ಬಳಕೆದಾರರು Instagram ನಲ್ಲಿ ಹಂಚಿಕೊಂಡಿದ್ದಾರೆ. ನತಾಶಾ ಪೋಸ್ಟ್ ಇಷ್ಟಪಟ್ಟಿದ್ದು 'ಮೋಸ', 'ವಿಷಕಾರಿ ಸಂಬಂಧ' ಮತ್ತು ಹೆಚ್ಚಿನವುಗಳ ಬಗ್ಗೆ. ಹೀಗಾಗಿ ನೆಟ್ಟಿಗರು ಊಹಾಪೋಹಗಳನ್ನು ಹಬ್ಬಿಸುತ್ತಿದ್ದಾರೆ. ಬಳಕೆದಾರರು ಮಾಡಿದ ಪೋಸ್ಟ್‌ನಲ್ಲಿ "ನತಾಶಾ ಸ್ಟಾಂಕೋವಿಕ್ ಮೋಸ ಮತ್ತು ಭಾವನಾತ್ಮಕ ನಿಂದನೆ ಬಗ್ಗೆ ರೀಲ್ಸ್ ಅನ್ನು ಇಷ್ಟಪಟ್ಟಿದ್ದಾರೆ, ಲೈಕ್​ ಮೆಚ್ಚುಗೆ ಸೂಚಿಸಿ ಹೆಚ್ಚನದಾಗಿ ನೋಡಿದ್ದಾರೆ. ಹೀಗಾಗಿ ಸ್ಪಷ್ಟವಾಗಿ ಹಾರ್ದಿಕ್ ಅವಳನ್ನು ಮೋಸಗೊಳಿಸಿದ್ದಾರೆ, ವಿಚ್ಛೇದನಕ್ಕೆ ಕಾರಣವಾಗಿದ್ದಾರೆ" ಎಂಬ ಶೀರ್ಷಿಕೆಯೊಂದಿಗೆ ಹಂಚಿಕೊಂಡಿದ್ದಾರೆ.

ಈ ಪೋಸ್ಟ್​​ ವೈರಲ್​ ಆಗುತ್ತಿದ್ದಂತೆ ನೆಟ್ಟಿಗರು ಪಾಂಡ್ಯ ಅವರೆ ಮೋಸ ಮಾಡಿದ್ದಾರೆ ಎಂದು ಕಾಮೆಂಟ್​​ ಮಾಡುತ್ತಾ ಆಕ್ರೋಶ ಹೋರ ಹಾಕುತ್ತಿದ್ದಾರೆ. ಆದರೆ ಈ ಜೋಡಿ ಯಾಕೆ ದೂರ ಆಗಿದೆ ಎನ್ನುವ ಕುರಿತಾಗಿ ಎಲ್ಲೂ ಹೇಳಿಕೊಂಡಿಲ್ಲ. ಆದರೆ ಫ್ಯಾನ್ಸ್​​ ಸೋಶಿಯಲ್​​ ಮೀಡಿಯಾದಲ್ಲಿ ಇಂತಹ ಒಂದು ಸುದ್ದಿ ಹಬ್ಬಿಸಿದ್ದಾರೆ.

https://www.vijayavani.net/abhishek-bachchan-announcing-his-divorce-goes-ai-fake-video-viral

https://www.vijayavani.net/abhishek-bachchan-announcing-his-divorce-goes-ai-fake-video-viral

https://www.vijayavani.net/hyderabad-irani-chai-now-costs-rs-25-amid-rising-costs