ಕೆರಿಬಿಯನ್​ ಟಿ20 ಲೀಗ್​ನಲ್ಲಿ ಸುನೀಲ್​ ನಾರಾಯಣ್​, ರಶೀದ್​ ಖಾನ್​ ಆಲ್ರೌಂಡ್​ ಆಟ

ಟರೌಬ (ಟ್ರಿನಿಡಾಡ್​): ಸ್ಪಿನ್ನರ್​ಗಳಾದ ಸುನೀಲ್​ ನಾರಾಯಣ್​ (19 ರನ್​ಗೆ 2 ವಿಕೆಟ್​ ಮತ್ತು 50 ರನ್​, 28 ಎಸೆತ, 2 ಬೌಂಡರಿ, 2 ಸಿಕ್ಸರ್​) ಮತ್ತು ರಶೀದ್​ ಖಾನ್​ (26 ರನ್​, 20 ಎಸೆತ, 2 ಬೌಂಡರಿ, 1 ಸಿಕ್ಸರ್​ ಮತ್ತು 27ಕ್ಕೆ 2 ವಿಕೆಟ್​) ಕೆರಿಬಿಯನ್​ ಪ್ರೀಮಿಯರ್​ ಲೀಗ್​ (ಸಿಪಿಎಲ್​) ಟಿ20 ಟೂರ್ನಿಯ ಮೊದಲ ದಿನದ ಪಂದ್ಯಗಳಲ್ಲಿ ಆಲ್ರೌಂಡ್​ ನಿರ್ವಹಣೆಯ ಮೂಲಕ ಗಮನ ಸೆಳೆದಿದ್ದಾರೆ. ಈ ಮೂಲಕ ಕ್ರಮವಾಗಿ ಟ್ರಿನಿಬಾಗೋ ನೈಟ್​ರೈಡರ್ಸ್​ ಮತ್ತು ಬಾರ್ಬಡೋಸ್​ ಟ್ರೈಡೆಂಟ್ಸ್​ ತಂಡಗಳ ಗೆಲುವಿಗೆ ಕಾರಣರಾಗಿದ್ದಾರೆ.

ಟೂರ್ನಿಯ ಉದ್ಘಾಟನಾ ಪಂದ್ಯದಲ್ಲಿ ಕೈರಾನ್​ ಪೊಲ್ಲಾರ್ಡ್​ ಸಾರಥ್ಯದ ಟ್ರಿನಿಬಾಗೋ ತಂಡ ಗಯಾನಾ ಅಮೆಜಾನ್​ ವಾರಿಯರ್ಸ್ ವಿರುದ್ಧ 4 ವಿಕೆಟ್​ಗಳಿಂದ ಗೆಲುವು ದಾಖಲಿಸಿತು. ಈ ಮೂಲಕ ಗಯಾನಾ ತಂಡದ ಸತತ 11 ಗೆಲುವಿನ ಓಟಕ್ಕೆ ತಡೆಯೊಡ್ಡಿತು. ಮಳೆಯಿಂದಾಗಿ ತಲಾ 17 ಓವರ್​ಗಳಿಗೆ ಕಡಿತಗೊಂಡ ಪಂದ್ಯದಲ್ಲಿ ಟಾಸ್​ ಸೋತು ಮೊದಲು ಬ್ಯಾಟಿಂಗ್​ಗೆ ಇಳಿದ ಗಯಾನಾ ತಂಡ 5 ವಿಕೆಟ್​ಗೆ 144 ರನ್​ ಪೇರಿಸಿತು. ಪ್ರತಿಯಾಗಿ ಟ್ರಿನಿಬಾಗೋ ತಂಡ ಸುನೀಲ್​ ನಾರಾಯಣ್​ ಆರಂಭಿಕರಾಗಿ ಕಣಕ್ಕಿಳಿದು ಸಿಡಿಸಿದ ಬಿರುಸಿನ ಅರ್ಧಶತಕದಿಂದ 16.4 ಓವರ್​ಗಳಲ್ಲಿ 6 ವಿಕೆಟ್​ಗೆ 147 ರನ್​ ಗಳಿಸ ಜಯಭೇರಿ ಬಾರಿಸಿತು. ಸುನೀಲ್​ ನಾರಾಯಣ್​ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.

ಸಂಕ್ಷಿಪ್ತ ಸ್ಕೋರು: ಗಯಾನಾ ಅಮೆಜಾನ್​ ವಾರಿಯರ್ಸ್​: 17 ಓವರ್​ಗಳಲ್ಲಿ 5 ವಿಕೆಟ್​ಗೆ 144 (ಹೆಟ್ಮೆಯರ್​ 63, ರಾಸ್​ ಟೇಲರ್​ 33, ಪೂರನ್​ 18, ಕೀಮೊ ಪೌಲ್​ 15*, ನಾರಾಯಣ್​ 19ಕ್ಕೆ 2, ಅಲಿ ಖಾನ್​ 21ಕ್ಕೆ 1, ಡ್ವೇನ್​ ಬ್ರಾವೊ 40ಕ್ಕೆ 1), ಟ್ರಿನಿಬಾಗೋ ನೈಟ್​ರೈಡರ್ಸ್​: 16.4 ಓವರ್​ಗಳಲ್ಲಿ 6 ವಿಕೆಟ್​ಗೆ 147 (ಸಿಮ್ಮನ್ಸ್​ 17, ನಾರಾಯಣ್​ 50, ಮನ್ರೊ 17, ಡರೇನ್​ ಬ್ರಾವೊ 30, ಪೊಲ್ಲಾರ್ಡ್​ 10, ಡ್ವೇನ್​ ಬ್ರಾವೊ 6*, ನವೀನ್​ ಉಲ್​ ಹಕ್​ 21ಕ್ಕೆ 2, ಇಮ್ರಾನ್​ ತಾಹಿರ್​ 40ಕ್ಕೆ 2).

ಇದನ್ನೂ ಓದಿ: ಇನ್ನು ಬಿಕಿನಿ ಚಿತ್ರ ಪೋಸ್ಟ್​ ಮಾಡುವುದಿಲ್ಲ ಎಂದು ಟೆನಿಸ್​ ತಾರೆ ಬೌಚಾರ್ಡ್​ ಹೇಳಿದ್ಯಾಕೆ?

ಟ್ರೈಡೆಂಟ್ಸ್​ಗೆ ಗೆಲುವು ತಂದ ರಶೀದ್​ ಖಾನ್​

ದಿನದ 2ನೇ ಪಂದ್ಯದಲ್ಲಿ ಅಫ್ಘಾನಿಸ್ತಾನ ಸ್ಪಿನ್ನರ್​ ರಶೀದ್​ ಖಾನ್​ ಸರ್ವಾಂಗೀಣ ನಿರ್ವಹಣೆ ತೋರುವ ಮೂಲಕ ಬಾರ್ಬಡೋಸ್​ ಟ್ರೈಡೆಂಟ್ಸ್​ ತಂಡಕ್ಕೆ ಸೇಂಟ್​ ಕಿಟ್ಸ್​ ಆಂಡ್​ ನೆವಿಸ್​ ಪ್ಯಾಟ್ರಿಯಾಟ್ಸ್​ ತಂಡದ ವಿರುದ್ಧ 6 ರನ್​ಗಳಿಂದ ರೋಚಕ ಗೆಲುವು ತಂದುಕೊಟ್ಟರು. ಟಾಸ್​ ಸೋತು ಮೊದಲು ಬ್ಯಾಟಿಂಗ್​ಗೆ ಇಳಿದ ಟ್ರೈಡೆಂಟ್ಸ್​ ತಂಡ 9 ವಿಕೆಟ್​ಗೆ 153 ರನ್​ ಪೇರಿಸಿತು. ಪ್ರತಿಯಾಗಿ ಸೇಂಟ್​ ಕಿಟ್ಸ್​ ತಂಡ 5 ವಿಕೆಟ್​ಗೆ 147 ರನ್​ ಗಳಿಸಲಷ್ಟೇ ಶಕ್ತವಾಯಿತು. ಕೊನೆಯ ಓವರ್​ನಲ್ಲಿ 20 ರನ್​ ಬೇಕಾಗಿದ್ದಾಗ ಸೇಂಟ್​ ಕಿಟ್ಸ್​ ತಂಡ 13 ರನ್​ ಕಸಿಯುವಲ್ಲಿ ಮಾತ್ರ ಸಫಲವಾಯಿತು.

ಸಂಕ್ಷಿಪ್ತ ಸ್ಕೋರು: ಬಾರ್ಬಡೋಸ್​ ಟ್ರೈಡೆಂಟ್ಸ್​: 9 ವಿಕೆಟ್​ಗೆ 153 (ಶೈ ಹೋಪ್​ 3, ಕೋರಿ ಆಂಡರ್​ಸನ್​ 0, ಮೇಯರ್ಸ್ 37, ಹೋಲ್ಡರ್​ 38, ಸ್ಯಾಂಟ್ನರ್​ 20, ರಶೀದ್​ ಖಾನ್ 26, ಸೋಹೈಲ್​ ತನ್ವೀರ್​ 25ಕ್ಕೆ 2, ಕಾಟ್ರೆಲ್​ 16ಕ್ಕೆ 2, ಎಮ್ರಿಟ್​ 16ಕ್ಕೆ 2), ಸೇಂಟ್​ ಕಿಟ್ಸ್​ ಆಂಡ್​ ನೆವಿಸ್​ ಪ್ಯಾಟ್ರಿಯಾಟ್ಸ್: 5 ವಿಕೆಟ್​ಗೆ 147 (ಲೆವಿಸ್​ 12, ಲ್ಯಾನ್​ 19, ಡ ಸಿಲ್ವ 41, ಡಂಕ್​ 34, ರಾಮ್​ದಿನ್​ 13, ತನ್ವೀರ್​ 16, ರಶೀದ್​ ಖಾನ್​ 27ಕ್ಕೆ 2, ಸ್ಯಾಂಟ್ನರ್​ 18ಕ್ಕೆ 2).

ಕರೊನಾ ಹಾವಳಿಯ ನಡುವೆ ನಡೆಯುತ್ತಿರುವ ಮೊದಲ ಟಿ20 ಲೀಗ್ ಆಗಿರುವ ಸಿಪಿಎಲ್​ ಟೂರ್ನಿ ಪ್ರೇಕ್ಷಕರಿಲ್ಲದೆ ಖಾಲಿ ಕ್ರೀಡಾಂಗಣದಲ್ಲಿ ನಡೆಯುತ್ತಿದೆ. ಟೂರ್ನಿಯಲ್ಲಿ ಆಡುತ್ತಿರುವ ಹೆಚ್ಚಿನ ಆಟಗಾರರು ಐಪಿಎಲ್​ನಲ್ಲೂ ಕಣಕ್ಕಿಳಿಯಲಿದ್ದು, ಅವರಿಗೆ ಇದು ಐಪಿಎಲ್​ಗೆ ಪೂರ್ವಾಭ್ಯಾಸವೂ ಆಗಿದೆ.

ಬುಧವಾರದ ಪಂದ್ಯಗಳು:

ಜಮೈಕಾ ತಲ್ಲವಾಹ್ಸ್​-ಸೇಂಟ್​ ಲೂಸಿಯಾ ಜೌಕ್ಸ್​

ಆರಂಭ: ರಾತ್ರಿ 7.30 (ಭಾರತೀಯ ಕಾಲಮಾನ)

ಗಯಾನಾ ಅಮೆಜಾನ್​ ವಾರಿಯರ್ಸ್-ಸೇಂಟ್​ ಕಿಟ್ಸ್​ ಆಂಡ್​ ನೆವಿಸ್​ ಪ್ಯಾಟ್ರಿಯಾಟ್ಸ್​

ಆರಂಭ: ಗುರುವಾರ ಮುಂಜಾನೆ 3.00 (ಭಾರತೀಯ ಕಾಲಮಾನ)

ನೇರಪ್ರಸಾರ: ಸ್ಟಾರ್​ ಸ್ಪೋರ್ಟ್ಸ್​

https://www.vijayavani.net/pca-requests-yuvraj-to-be-player-cum-mentor/