ಮುಂಬೈ, ಎಡಗೈ ಬ್ಯಾಟರ್ ತಿಲಕ್ ವರ್ಮ (59 ರನ್, 33 ಎಸೆತ, 6 ಬೌಂಡರಿ, 3 ಸಿಕ್ಸರ್) ಸತತ 2ನೇ ಅರ್ಧಶತಕ ಹಾಗೂ ನಮನ್ಧೀರ್ (38* ರನ್, 17 ಎಸೆತ, 3 ಬೌಂಡರಿ, 2 ಸಿಕ್ಸರ್) ಬಿರುಸಿನಾಟದಿಂದ 5 ವಿಕೆಟ್ಗೆ 205 ರನ್ಗಳ ಬೃಹತ್ ಮೊತ್ತ ಪೇರಿಸಿತು. ಪ್ರತಿಯಾಗಿ ಕರುಣ್ ನಾಯರ್ ಬಿರುಸಿನಾಟದಿಂದ ಡೆಲ್ಲಿ ಕ್ಯಾಪಿಟಲ್ಸ್ 12 ಓವರ್ಗಳಲ್ಲಿ 3 ವಿಕೆಟ್ಗೆ 140 ರನ್ಗಳಿಸಿ ಸುಸ್ಥಿತಿಯಲ್ಲಿತ್ತು. ಇಂಪ್ಯಾಕ್ಟ್ ಪ್ಲೇಯರ್ ಸ್ಪಿನ್ನರ್ ಕರ್ಣ್ ಶರ್ಮ (36ಕ್ಕೆ 3) ಸಹಿತ ಬೌಲರ್ಗಳ ದಾಳಿಗೆ ದಿಢೀರ್ ಕುಸಿದ ಡೆಲ್ಲಿ ಕ್ಯಾಪಿಟಲ್ಸ್ 19 ಓವರ್ಗಳಲ್ಲಿ 193 ರನ್ಗಳಿಗೆ ಸರ್ವಪತನ ಕಂಡಿತು. ಅಂತಿಮ 12 ಎಸೆತಗಳಲ್ಲಿ 23 ರನ್ ಬೇಕಿದ್ದಾಗ ಬುಮ್ರಾ ಎಸೆತದ 19ನೇ ಓವರ್ನ ಮೊದಲ 3 ಎಸೆತಗಳಲ್ಲಿ ಅಶುತೋಷ್ 2 ಬೌಂಡರಿ ಸಿಡಿಸಿದರು. ನಂತರದ 3 ಎಸೆತಗಳಲ್ಲಿ ಅಶುತೋಷ್ ಸಹಿತ ಕುಲದೀಪ್ ಯಾದವ್ (1), ಮೋಹಿತ್ ಶರ್ಮರನ್ನು (0) ರನೌಟ್ ಮಾಡಿದ ಮುಂಬೈ ರೋಚಕ ಗೆಲುವು ಒಲಿಸಿಕೊಂಡಿತು.
