ನವದೆಹಲಿ: ಇತ್ತೀಚೆಗಷ್ಟೇ ಐಪಿಎಲ್ ರಿಟೆನ್ಶನ್ ಪ್ರಕ್ರಿಯೆ ಮುಗಿದಿದ್ದು, ಫ್ರಾಂಚೈಸಿಗಳಿಂದ ಸ್ಟಾರ್ ಆಟಗಾರರೇ ಹೊರಬಿದ್ದಿದ್ದಾರೆ. ಪಂಜಾಬ್ ಕಿಂಗ್ಸ್ನಿಂದ ಶಿಖರ್ ಧವನ್, ಲಖನೌ ಸೂಪರ್ ಜೈಂಟ್ಸ್ನ ಕೆ.ಎಲ್. ರಾಹುಲ್, ಡೆಲ್ಲಿ ಕ್ಯಾಪಿಟಲ್ಸ್ನ ರಿಷಭ್ ಪಂತ್, ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದಿಂದ ಫಾಫ್ ಡು ಪ್ಲೆಸಿಸ್ ಮತ್ತು ಕೋಲ್ಕತ ನೈಟ್ ರೈಡರ್ಸ್ನಿಂದ ಶ್ರೇಯಸ್ ಅಯ್ಯರ್ ಇದೀಗ ಐಪಿಎಲ್ ಹರಾಜಿಗೆ ನೇರವಾಗಿ ಕಾಲಿಟ್ಟ ಸ್ಟಾರ್ ಆಟಗಾರರು. ಪ್ರಮುಖವಾಗಿ ಈ ಐವರೂ ಕೂಡ ಆಯಾ ಫ್ರಾಂಚೈಸಿಗಳಿಗೆ ಕ್ಯಾಪ್ಟನ್ ಆಗಿ ಮಿಂಚಿದವರು. ದುರಾದೃಷ್ಟವಶಾತ್ ಇವರಿಗೆ ತಂಡದಲ್ಲಿ ಉಳಿದುಕೊಳ್ಳುವ ಅವಕಾಶ ಸಿಗಲಿಲ್ಲ ಎಂಬ ಸಂಗತಿ ಕ್ರಿಕೆಟ್ ಪ್ರಿಯರಲ್ಲಿ ಭಾರೀ ಆಶ್ಚರ್ಯ ಮೂಡಿಸಿತು. ಸದ್ಯ ಇವರೆಲ್ಲರ ಜತೆ ಆರ್ಸಿಬಿಯ ಗ್ಲೆನ್ ಮ್ಯಾಕ್ಸ್ವೆಲ್, ಕೆಕೆಆರ್ನ ಮಿಚೆಲ್ ಸ್ಟಾರ್ಕ್ ಹೀಗೆ ಕೆಲವು ಆಲ್ರೌಂಡ್ ಆಟಗಾರರನ್ನು ಖರೀದಿಸಲು ಪ್ರಾಂಚೈಸಿಗಳು (Mumbai Indians) ಸಜ್ಜಾಗಿವೆ.
