ಟೂರ್ನಿಯಲ್ಲಿ ಗೆಲುವಿನ ಆರಂಭ ಕಂಡಿದ್ದರೂ, ನಂತರದ 3 ಪಂದ್ಯಗಳಲ್ಲಿ ಸೋತಿರುವ ಪಂಜಾಬ್ ಕಿಂಗ್ಸ್ಗೆ ಬ್ಯಾಟಿಂಗ್ ಜತೆಗೆ ಬೌಲಿಂಗ್ ವಿಭಾಗವೂ ಕೈಕೊಡುತ್ತಿದೆ. ಕನ್ನಡಿಗರಾದ ಕೆಎಲ್ ರಾಹುಲ್, ಮಯಾಂಕ್ ಅಗರ್ವಾಲ್, ದೀಪಕ್ ಹೂಡಾ ಮತ್ತು ಶಾರುಖ್ ಖಾನ್ ಅವರಂಥ ಭಾರತೀಯ ಬ್ಯಾಟ್ಸ್ಮನ್ಗಳಷ್ಟೇ ರನ್ ಗಳಿಸುತ್ತಿದ್ದರೆ ವಿದೇಶಿ ತಾರೆಯರಾದ ಕ್ರಿಸ್ ಗೇಲ್, ನಿಕೋಲಸ್ ಪೂರನ್ ರನ್ಬರ ದೊಡ್ಡ ಹಿನ್ನಡೆಯಾಗಿದೆ. ಬೌಲಿಂಗ್ನಲ್ಲೂ ಕಳೆದ ಹರಾಜಿನ ದುಬಾರಿ ಖರೀದಿಯಾಗಿರುವ ವೇಗಿಗಳಾದ ಜೇ ರಿಚರ್ಡ್ಸನ್ (14 ಕೋಟಿ ರೂ) ಮತ್ತು ರಿಲೀ ಮೆರಿಡಿತ್ (8 ಕೋಟಿ ರೂ) ಸ್ಪಿನ್ಸ್ನೇಹಿ ಪಿಚ್ಗಳಲ್ಲಿ ಪರಿಣಾಮಕಾರಿ ಎನಿಸಿಲ್ಲ. ಆಲ್ರೌಂಡರ್ ಮೋಯ್ಸೆಸ್ ಹೆನ್ರಿಕ್ಸ್ ಕೂಡ ಕಳೆದ ಪಂದ್ಯದಲ್ಲಿ ಗಮನಾರ್ಹ ನಿರ್ವಹಣೆಯನ್ನೇನೂ ತೋರಿಲ್ಲ. ಪಂಜಾಬ್ ಕಿಂಗ್ಸ್ ತಂಡ ಗೆಲುವಿನ ಹಳಿಗೆ ಮರಳಲು ವಿದೇಶಿ ಆಟಗಾರರಿಂದ ಸದೃಢ ನಿರ್ವಹಣೆ ಅಗತ್ಯವಾಗಿದೆ. ಕೆಎಲ್ ರಾಹುಲ್ ಇನ್ನೊಂದು ಸಿಕ್ಸರ್ ಸಿಡಿಸಿದರೆ, ಟಿ20 ಕ್ರಿಕೆಟ್ನಲ್ಲಿ 200 ಸಿಕ್ಸರ್ ಪೂರೈಸಲಿದ್ದಾರೆ.
