ಡೆಲ್ಲಿಗೆ ಬೌಲ್ಟ್ ‘ಬುಮ್ರಾಘಾತ’: ಬೃಹತ್ ಮೊತ್ತ ಬೆನ್ನಟ್ಟಲು ಹೊರಟ ಡೆಲ್ಲಿ ತಂಡಕ್ಕೆ ಟ್ರೆಂಟ್ ಬೌಲ್ಟ್ ಹಾಗೂ ಜಸ್ಪ್ರೀತ್ ಬುಮ್ರಾ ಜೋಡಿ ಆರಂಭಿಕ ಆಘಾತ ನೀಡಿತು. ಪೃಥ್ವಿ ಷಾ ಹಾಗೂ ಅಜಿಂಕ್ಯ ರಹಾನೆಗೆ ಟ್ರೆಂಟ್ ಬೌಲ್ಟ್ ಮೊದಲ ಓವರ್ನಲ್ಲೇ ಡಗೌಟ್ ದಾರಿ ತೋರಿಸಿದರೆ, 2ನೇ ಓವರನಲ್ಲಿ ಶಿಖರ್ ಧವನ್(0) ಬುಮ್ರಾ ಎಸೆತದಲ್ಲಿ ಬೌಲ್ಡ್ ಆದರು. ಇದರಿಂದ, ಖಾತೆ ತೆರೆಯುವ ಮುನ್ನವೇ 3 ವಿಕೆಟ್ ಕಳೆದುಕೊಂಡ ಡೆಲ್ಲಿ ಆರಂಭಿಕ 8 ಎಸೆತಗಳಲ್ಲೇ ಸೋಲು ಬಹುತೇಕ ಖಚಿತಪಡಿಸಿಕೊಂಡಿತು. ಬಳಿಕ ಬಂದ ನಾಯಕ ಶ್ರೇಯಸ್ ಅಯ್ಯರ್ (12) ಹಾಗೂ ರಿಷಭ್ ಪಂತ್ (3) ಕೂಡ ಕನಿಷ್ಠ ಪ್ರತಿಹೋರಾಟ ನೀಡಲು ವಿಫಲರಾದರು. ಮಾರ್ಕಸ್ ಸ್ಟೋಯಿನಿಸ್ (65 ರನ್, 46 ಎಸೆತ, 6 ಬೌಂಡರಿ, 3 ಸಿಕ್ಸರ್) ಹಾಗೂ ಅಕ್ಷರ್ ಪಟೇಲ್ (42ರನ್, 33 ಎಸೆತ, 2 ಬೌಂಡರಿ, 3 ಸಿಕ್ಸರ್) ಜೋಡಿ 6ನೇ ವಿಕೆಟ್ಗೆ 71 ರನ್ ಜತೆಯಾಟವಾಡಿ ಅಬ್ಬರಿಸಿದರೂ ಸೋಲಿನ ಅಂತರ ತಗ್ಗಿಸಲಷ್ಟೇ ಶಕ್ತವಾಯಿತು.
