ಚೆನ್ನೈ ಸೂಪರ್ ಕಿಂಗ್ಸ್ ಪರ ಯಾವ ನಾಲ್ಕು ಆಟಗಾರರನ್ನು ಉಳಿಸಿಕೊಳ್ಳಲು ಮ್ಯಾನೇಜ್ಮೆಂಟ್ ನಿರ್ಧರಿಸಿದೆ ಎಂಬುದನ್ನು ರಿಟೆನ್ಶನ್ ಪ್ರಕ್ರಿಯೆಗೂ ಮುನ್ನ ನಿಖರವಾಗಿ ಹೇಳಲು ಸಾಧ್ಯವಾಗಿರಲಿಲ್ಲ. ಆದರೆ, ತಂಡವನ್ನು ಐದು ಬಾರಿ ಚಾಂಪಿಯನ್ ಪಟ್ಟಕ್ಕೇರಿಸಿದ ಹೆಗ್ಗಳಿಕೆ ಹಾಗೂ ತಂಡದಲ್ಲಿ ಒಗ್ಗಟು, ಆಟಗಾರರಲ್ಲಿ ಉತ್ಸಾಹ ತುಂಬುವ ಶಕ್ತಿಯಾಗಿರುವ ಎಂಎಸ್ ಧೋನಿ ಅವರನ್ನು ಐಪಿಎಲ್ 2025ರ ಹರಾಜಿಗೆ ಕಳಿಸದೆ, ಫ್ರಾಂಚೈಸಿ ಅನ್ಕ್ಯಾಪ್ಡ್ ಪ್ಲೇಯರ್ ಪಟ್ಟಿಯಡಿ ಅವರನ್ನು ಉಳಿಸಿಕೊಂಡಿತು. ಅವರ ಬೆನ್ನಲ್ಲೇ ರುತುರಾಜ್ ಗಾಯಕ್ವಾಡ್ (18 ಕೋಟಿ ರೂ.), ರವೀಂದ್ರ ಜಡೇಜಾ (18 ಕೋಟಿ ರೂ.), ಮತೀಶಾ ಪತಿರಾಣ (13 ಕೋಟಿ ರೂ.) ಮತ್ತು ಶಿವಂ ದುಬೆರನ್ನು (12ಕೋಟಿ ರೂ.) ಉಳಿಸಿಕೊಂಡಿತು. ಸದ್ಯ ಮತ್ತೊಂದು ಆವೃತ್ತಿ ಆಡಲು ಕಣಕ್ಕಿಳಿಯಲು ಸಜ್ಜಾಗಿರುವ ಧೋನಿ ಅವರ ನಿಲುವೇನು? ಎಂಬುದರ ಬಗ್ಗೆ ಸಿಎಸ್ಕೆ ಸಿಇಓ ತಮ್ಮ ಮನದಾಳದ ಮಾತನ್ನು ಹಂಚಿಕೊಂಡಿದ್ದಾರೆ.
