ಈಗಾಗಲೇ ಧೋನಿ ನಿವೃತ್ತಿ ಕುರಿತು ಸಾಕಷ್ಟು ವದಂತಿಗಳು ಹರಿದಾಡುತ್ತಿತ್ತು. ಇದೇ 'ಕ್ಯಾಪ್ಟನ್ ಕೂಲ್' ಅವರ ಕೊನೆಯ ಸೀಸನ್ ಎಂಬ ಮಾತುಗಳು ವ್ಯಾಪಕವಾಗಿ ಕೇಳಿಬಂದಿತ್ತು. ಇದೇ ಪ್ರಶ್ನೆಯನ್ನು ಮತ್ತೊಮ್ಮೆ ಧೋನಿ ಮುಂದಿಟ್ಟ ಹರ್ಷ ಭೋಗ್ಲೆ, ಮುಂದಿನ ವರ್ಷದ ಐಪಿಎಲ್ಗೆ ಮರಳುತ್ತೀರಾ? ಎಂದು ಕೇಳಿದರು. ಇದಕ್ಕೆ ಉತ್ತರಿಸಿದ ಧೋನಿ, "ಪ್ರತಿಬಾರಿ ಇಲ್ಲಿ ಬಂದು ಆಡುವುದು ಬಹಳ ಖುಷಿ ಅನಿಸುತ್ತೆ. ನನಗೂ ವಯಸ್ಸಾಗುತ್ತಿದೆ ಎಂಬುದು ಯುವ ಆಟಗಾರರನ್ನು ನೋಡಿದಾಗ, ಮಾತನಾಡಿಸಿದಾಗ ತಿಳಿಯುತ್ತೆ. ಮುಂದಿನ ಆವೃತ್ತಿಗೆ ಲಗ್ಗೆಯಿಡುವ ಬಗ್ಗೆ ನಿರ್ಧಾರ ಮಾಡಲು ಇನ್ನೂ 4-6 ತಿಂಗಳ ಸಮಯವಿದೆ. ಮನೆಯಿಂದ ತುಂಬ ದಿನ ದೂರ ಇದ್ದೀನಿ. ಮೊದಲು ಮನೆಗೆ ಹೋಗಿ, ಸಮಯ ಕಳೆದು, ಬೈಕ್ ರೈಡ್ ಆನಂದಿಸಬೇಕು. ಆ ನಂತರ ನನ್ನ ದೇಹ ಹೇಗೆ ಬೆಂಬಲಿಸುತ್ತೆ ಅನ್ನೋದನ್ನು ನೋಡಿಕೊಂಡು ನಿರ್ಧರಿಸುವೆ" ಎಂದರು. ಈ ಮೂಲಕ ಇದೇ ತಮ್ಮ ಕೊನೆಯ ಆವೃತ್ತಿ ಎಂಬ ವದಂತಿಗಳಿಗೆ ತಾತ್ಕಾಲಿಕ ತೆರೆ ಎಳೆದರು,(ಏಜೆನ್ಸೀಸ್).
