ಎಂ.ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಮಂಗಳವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ಗೆ ಇಳಿದ ಗುಲ್ಬರ್ಗಾ, ನಾಯಕ ದೇವದತ್ ಪಡಿಕ್ಕಲ್ (50 ರನ್, 35 ರನ್, 8 ಬೌಂಡರಿ, 1 ಸಿಕ್ಸರ್) ಹಾಗೂ ಆರ್.ಸ್ಮರಣ್ (63 ರನ್, 30 ಎಸೆತ, 1 ಬೌಂಡರಿ, 7 ಸಿಕ್ಸರ್) ಅವಳಿ ಅರ್ಧಶತಕಗಳ ನೆರವಿನಿಂದ 5 ವಿಕೆಟ್ಗೆ 206 ರನ್ಗಳ ಸವಾಲಿನ ಮೊತ್ತ ಪೇರಿಸಿತು. ಪ್ರತಿಯಾಗಿ ಅಭಿನವ್ ಮನೋಹರ್ ಹಾಗೋ ರೋಹನ್ ನವೀನ್ (36 ರನ್, 14 ಎಸೆತ, 3 ಬೌಂಡರಿ, 3 ಸಿಕ್ಸರ್)ಬಿರುಸಿನಾಟದ ಬಲದಿಂದ ಶಿವಮೊಗ್ಗ ಲಯನ್ಸ್, 19.1 ಓವರ್ಗಳಲ್ಲಿ 4 ವಿಕೆಟ್ಗೆ 207 ರನ್ಗಳಿಸಿ ಜಯದ ಕೇಕೆ ಹಾಕಿತು. ಅಂತಿಮ 4 ಓವರ್ನಲ್ಲಿ 57 ರನ್ ಕಸಿದ ಲಯನ್ಸ್ ಹಾಲಿ ಋತುವಿನಲ್ಲಿ ಯಶಸ್ವಿಯಾಗಿ ಗರಿಷ್ಠ ರನ್ ಚೇಸಿಂಗ್ ನಡೆಸಿದ ತಂಡ ಎನಿಸಿತು.
