ಈ ಷರತ್ತಿಗೆ ಒಪ್ಪಿಕೊಂಡ್ರೆ ಟೀಮ್ ಇಂಡಿಯಾಗೆ ಏಷ್ಯಾಕಪ್​ ಟ್ರೋಫಿ, ಮೆಡಲ್​ ಕೊಡ್ತೀನಿ: ಮೊಹ್ಸಿನ್​ ನಖ್ವಿ | Asia Cup Trophy

Asia Cup Trophy: ಸೆ.28ರಂದು ದುಬೈನಲ್ಲಿ ನಡೆದ ಏಷ್ಯಾಕಪ್ ಟಿ20 ಟೂರ್ನಿಯ ಫೈನಲ್​ ಪಂದ್ಯದಲ್ಲಿ 3ನೇ ಬಾರಿಗೆ ಪಾಕಿಸ್ತಾನವನ್ನು ಬಗ್ಗುಬಡಿದ ಭಾರತ, ದಾಖಲೆಯ ಗೆಲುವು ಸಾಧಿಸಿತು. ಆದರೆ, ಪಂದ್ಯ ಗೆದ್ದ ಟೀಮ್ ಇಂಡಿಯಾಗೆ ಟ್ರೋಫಿ ಮತ್ತು ಮೆಡಲ್​ಗಳನ್ನು ಕೊಡದೆ, ಅವುಗಳನ್ನು ತನ್ನೊಂದಿಗೆ ಮೈದಾನದಿಂದ ಹೊತ್ತೊಯ್ದ ಎಸಿಸಿ ಮುಖ್ಯಸ್ಥ ಮೊಹ್ಸಿನ್ ನಖ್ವಿ ನಡೆಗೆ ಸದ್ಯ ವ್ಯಾಪಕ ಛೀಮಾರಿ ವ್ಯಕ್ತವಾಗುತ್ತಿದೆ.

ಇದನ್ನೂ ಓದಿ: ನಗಿಸಬೇಕಿದ್ದ ‘ಗಿಲ್ಲಿ’ ಜಗಳ’ದಲ್ಲಿ’! ಇಬ್ಬರು ಸ್ಪರ್ಧಿಗಳಿಗೆ ಅಶ್ವಿನಿ ಖಡಕ್​ ಎಚ್ಚರಿಕೆ | BBK12

ಟೀಮ್ ಇಂಡಿಯಾ ಟ್ರೋಫಿ ಗೆದ್ದು ಇಂದಿಗೆ ಎರಡು ದಿನಗಳೇ ಕಳೆದಿವೆ. ಇಷ್ಟಾದರೂ ಸಹ ಮೊಹ್ಸಿನ್ ನಖ್ವಿ ತನ್ನೊಂದಿಗೆ ಹೊತ್ತೊಯ್ದ ಏಷ್ಯಾಕಪ್ ಟ್ರೋಫಿ ಮತ್ತು ಮೆಡಲ್​ಗಳನ್ನು ಹಸ್ತಾಂತರಿಸಲು ಮುಂದಾಗಿಲ್ಲ. ಇದಕ್ಕೆ ಬಿಸಿಸಿಐ ತೀವ್ರ ಕಿಡಿಕಾರಿದ್ದು, ಭಾರತೀಯ ಕ್ರಿಕೆಟ್​ ಅಭಿಮಾನಿಗಳು ವ್ಯಂಗ್ಯವಾಡಿದ್ದಾರೆ. ಈಗಾಗಲೇ ಐಸಿಸಿಗೆ ದೂರು ಕೊಟ್ಟಿರುವ ಬಿಸಿಸಿಐ, ನಮಗೆ ಒಲಿದ ಪ್ರಶಸ್ತಿ ಮತ್ತು ಮೆಡಲ್​ಗಳು ವಾಪಾಸ್​ ಬರಬೇಕು. ಈ ನಿಟ್ಟಿನಲ್ಲಿ ಕ್ರಮ ಕೈಗೊಳ್ಳಿ ಎಂದು ತಿಳಿಸಿತ್ತು. ವರದಿಗಳ ಪ್ರಕಾರ, ಒಂದು ಷರತ್ತು ಮುಂದಿಟ್ಟಿರುವ ನಖ್ವಿ, ಭಾರತ ಇದಕ್ಕೆ ಓಕೆ ಎನ್ನುವುದಾದರೆ ನಾನು ಟ್ರೋಫಿ ಕೊಡ್ತೀನಿ ಎಂದಿದ್ದಾರಂತೆ.

'ಕ್ರಿಕ್​ ಬಜ್'​ ವರದಿ ಪ್ರಕಾರ, ಆಯೋಜಕರ ಬಳಿ ಮಾತನಾಡಿರುವ ಮೊಹ್ಸಿನ್ ನಖ್ವಿ, ಸೂರ್ಯಕುಮಾರ್​ ಯಾದವ್​ ಮತ್ತು ಅವರ ತಂಡದ ಸದಸ್ಯರಿಗೆ ಟ್ರೋಫಿ ಮತ್ತು ಮೆಡಲ್​ಗಳನ್ನು ಹಸ್ತಾಂತರಿಸುತ್ತೇನೆ. ಆದರೆ, ಅದಕ್ಕೆ ಸೂಕ್ತ ವೇದಿಕೆ ಸಜ್ಜಾಗಬೇಕು. ಅಲ್ಲಿ ನಾನು ಟ್ರೋಫಿಯನ್ನು ಗೆದ್ದ ತಂಡಕ್ಕೆ ಕೊಡುತ್ತೇನೆ ಎಂದು ಹೇಳಿದ್ದಾರಂತೆ. ಸದ್ಯದ ಪರಿಸ್ಥಿತಿಯನ್ನು ಗಮನಿಸಿ ನೋಡುವುದಾದರೆ, ಅದೆಲ್ಲವೂ ನಖ್ವಿಯ ಕನಸಿಗಷ್ಟೇ ಸೀಮಿತ ಎನ್ನಬಹುದು,(ಏಜೆನ್ಸೀಸ್).

https://www.vijayavani.net/rcb-set-to-sale-its-franchise-says-lalit-modi/