ದೆಹಲಿಯಲ್ಲಿ ಭಾರತ ಪರ ನೂರನೇ ಟೆಸ್ಟ್ ಆಡಿದ ಸಾಧನೆ ಮಾಡಲಿರುವ ಚೇತೇಶ್ವರ ಪೂಜಾರಗೆ ಪಂದ್ಯಕ್ಕೆ ಮುನ್ನ ಸನ್ಮಾನಿಸುವ ಕಾರ್ಯಕ್ರಮವನ್ನು ಬಿಸಿಸಿಐ ಹಮ್ಮಿಕೊಂಡಿದೆ. 35 ವರ್ಷದ ಪೂಜಾರಗೆ ಆತಿಥೇಯ ದೆಹಲಿ ಕ್ರಿಕೆಟ್ ಸಂಸ್ಥೆಯೂ ಸ್ಮರಣಿಕೆ ನೀಡಿ ಗೌರವಿಸಲಿದೆ. 2010ರಲ್ಲಿ ಬೆಂಗಳೂರಿನಲ್ಲಿ ಆಸೀಸ್ ವಿರುದ್ಧವೇ ಪೂಜಾರ ಭಾರತ ಪರ ಮೊದಲ ಟೆಸ್ಟ್ ಆಡಿದ್ದರು. ರಾಹುಲ್ ದ್ರಾವಿಡ್ ನಿವೃತ್ತಿ ನಂತರದಲ್ಲಿ ಭಾರತ ತಂಡದ 3ನೇ ಕ್ರಮಾಂಕವನ್ನು ಭದ್ರಪಡಿಸಿಕೊಂಡಿದ್ದ ಪೂಜಾರ, ಈಗ ಅವರು ಕೋಚ್ ಆಗಿರುವಾಗಲೇ 100ನೇ ಟೆಸ್ಟ್ ಆಡುತ್ತಿರುವುದು ವಿಶೇಷವಾಗಿದೆ. ಇದುವರೆಗೆ ಆಡಿದ 99 ಟೆಸ್ಟ್ಗಳಲ್ಲಿ ಪೂಜಾರ 44.15ರ ಸರಾಸರಿಯಲ್ಲಿ 19 ಶತಕ ಮತ್ತು 34 ಅರ್ಧಶತಕಗಳ ಸಹಿತ 7,021 ರನ್ ಬಾರಿಸಿದ್ದಾರೆ. 2012ರಲ್ಲಿ ಇಂಗ್ಲೆಂಡ್ ವಿರುದ್ಧ ಅಹಮದಾಬಾದ್ನಲ್ಲಿ ಅಜೇಯ 206 ರನ್ ಗಳಿಸಿರುವುದು ಗರಿಷ್ಠವಾಗಿದೆ.
