IPL 2024: ರೋಹಿತ್ ಬದಲಿಗೆ ಹಾರ್ದಿಕ್​ನ ಕ್ಯಾಪ್ಟನ್​ ಮಾಡಲು ಇದೇ ಬಲವಾದ ಕಾರಣ! ಕಡೆಗೂ ಸ್ಪಷ್ಟನೆ ಕೊಟ್ಟ ಕೋಚ್

ಮುಂಬೈ: ಕಳೆದ ವರ್ಷ ಇಂಡಿಯನ್​ ಪ್ರೀಮಿಯರ್ ಲೀಗ್ 2024ರ ಆವೃತ್ತಿ ಬಗ್ಗೆ ಹೊಸ ಮಾಹಿತಿ ಹೊರಬೀಳುತ್ತಿದ್ದಂತೆ ಈ ಬಾರಿ ಮುಂಬೈ ಇಂಡಿಯನ್ಸ್​ ತಂಡಕ್ಕೆ ಕ್ಯಾಪ್ಟನ್​ ಆಗಿ ಗುಜರಾತ್ ಟೈಟನ್ಸ್​ ತಂಡವನ್ನು ಮುನ್ನಡೆಸಿದ್ದ ಹಾರ್ದಿಕ್ ಪಾಂಡ್ಯ ಆಯ್ಕೆಯಾಗಿದ್ದಾರೆ ಎಂಬ ಸುದ್ದಿ ಕೂಡ ಹೊರಬಿತ್ತು. ಈ ಮೂಲಕ ರೋಹಿತ್ ಶರ್ಮಾ ಅವರ ಬದಲಿಗೆ ಹಾರ್ದಿಕ್ ಎಂಐ ನಾಯಕತ್ವವನ್ನು ವಹಿಸಲಿದ್ದಾರೆ ಎಂದು ತಂಡ ಅಧಿಕೃತವಾಗಿ ತಿಳಿಸಿತು. ಈ ವಿಷಯ ಅಧಿಕೃತವಾಗಿ ಘೋಷಣೆಯಾದ ಬೆನ್ನಲ್ಲೇ ಕ್ರಿಕೆಟ್​ ಅಭಿಮಾನಿಗಳು ತೀವ್ರ ಅಸಮಾಧಾನ ಹೊರಹಾಕಿದ್ದರು.

ಇದನ್ನೂ ಓದಿ: ಜಮ್ಮಾಬಾಣೆ ಭೂಮಿ ಸರ್ವೆ ಮಾಡಿ, ಪಹಣಿ ಒದಗಿಸಲು ಮುಂದಾಗಿ: ಕೃಷ್ಣ ಬೈರೇಗೌಡ

ಗುಜರಾತ್ ಟೈಟನ್ಸ್​ಗೆ ನಾಯಕನಾಗಿದ್ದ ಹಾರ್ದಿಕ್​, ಎರಡು ಬಾರಿ ತಂಡವನ್ನು​ ಫೈನಲ್ಸ್​ಗೆ ತಂದು, ಒಂದು ಸೀಸನ್​ನ ಟ್ರೋಫಿ ಗೆದ್ದು ಕೊಟ್ಟಿದ್ದರು. ಈ ಮೂಲಕ ಯಶಸ್ವಿ ಕ್ಯಾಪ್ಟನ್​ಗಳ ಸಾಲಿನಲ್ಲಿ ಸ್ಥಾನ ಗಿಟ್ಟಿಸಿಕೊಳ್ಳಲು ಮುಂಚೂಣಿಯಲಿದ್ದ ಪಾಂಡ್ಯ, ತನ್ನ ಹಳೆಯ ತಂಡ ಮುಂಬೈ ಇಂಡಿಯನ್ಸ್​​ಗೆ ವಾಪಾಸ್​ ಆಗುವ ನಿರ್ಧಾರ ಕೈಗೊಂಡು, ದಿಢೀರ್​ ಎಂಬಂತೆ ಗುಜರಾತ್ ತ್ಯಜಿಸಿ ಎಂಐ ಸೇರಿದರು. ಒಂದೆಡೆ ಈ ವಿಷಯ ಕ್ರಿಕೆಟ್​ ಫ್ಯಾನ್ಸ್​ಗೆ ಕೊಂಚ ಖುಷಿ ನೀಡಿದ್ದೇ ಆದ್ರೂ ಮುಂಬೈ ತಂಡಕ್ಕೆ ನಾಯಕನಾಗಿ ರೋಹಿತ್​ ಅವರನ್ನು ಬದಲಿಸಿದ್ದು ತೀವ್ರ ಬೇಸರ ಮೂಡಿಸಿತು.

ಮುಂಬೈ ತಂಡಕ್ಕೆ ಕ್ಯಾಪ್ಟನ್​ ಸ್ಥಾನ ಪಡೆಯಲು ದುಬಾರಿ ಮೊತ್ತದ ಪೇಮೆಂಟ್​ ಮುಂದಿಟ್ಟಿದ್ದ ಪಾಂಡ್ಯ, ಅದನ್ನು ಈಡೇರಿಸಿಕೊಳ್ಳುವಲ್ಲಿ ಯಶಸ್ವಿಯಾದರು. ಈ ವಿಷಯ ಮುಂಬೈ ಇಂಡಿಯನ್ಸ್​ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಯಿತು. ಸೋಷಿಯಲ್ ಮೀಡಿಯಾದಲ್ಲಿ ಹಾರ್ದಿಕ್ ವಿರುದ್ಧ ಭಾರೀ ಟ್ರೋಲ್ ಮಾಡಿದ ನೆಟ್ಟಿಗರು, ಮುಂಬೈಗೆ ರೋಹಿತ್​ ಕ್ಯಾಪ್ಟನ್​ ಆದರೆ ಒಳ್ಳೆಯದು ಎಂದು ವ್ಯಕ್ತಪಡಿಸಿದರು.

ಇದನ್ನೂ ಓದಿ: ಪ್ರತಿಭಟನೆಗಿಳಿದ ಕಾಂಗ್ರೆಸ್​​​ ನಾಯಕರಿಗೆ ವೀರಣ್ಣ ಚರಂತಿಮಠ ತಿರುಗೇಟು

ಕ್ರಿಕೆಟ್ ಅಭಿಮಾನಿಗಳ ತೀವ್ರ ಟೀಕೆ, ಟಿಪ್ಪಣಿಗಳ ಬೆನ್ನಲ್ಲೇ ಇದೀಗ ಎಂಐ ತಂಡದ ಮುಖ್ಯ ಕೋಚ್ ಆದ ಮಾರ್ಕ್ ಬೌಚರ್ ಪ್ರತಿಕ್ರಿಯಿಸಿದ್ದಾರೆ. ಅಸಲಿಗೆ ನೀವು ಅಂದುಕೊಂಡಂತೆ ಕ್ಯಾಪ್ಟನ್​ ಸ್ಥಾನವನ್ನು ಹಾರ್ದಿಕ್​ಗೆ ಕೊಟ್ಟಿಲ್ಲ. ಇದು ಸಂಪೂರ್ಣವಾಗಿ ಕ್ರಿಕೆಟ್​ಗಾಗಿ ಮಾಡಲಾದ ನಿರ್ಧಾರ. ಹಾರ್ದಿಕ್ ಅನ್ನು ಉತ್ತಮ ಆಟಗಾರನಾಗಿ ಮರಳಿ ಕರೆತರಲು ನಾವು ಮುಂದಾದೆವು. ಅದೊಂದು ಪರಿವರ್ತನೆಯ ಹಂತ. ಭಾರತದಲ್ಲಿ ಬಹಳಷ್ಟು ಜನರಿಗೆ ಇದು ಅರ್ಥವಾಗುವಾಗುತ್ತಿಲ್ಲ ಎಂದರು.

"ಇದು ಕೇವಲ ಕ್ರಿಕೆಟ್​ಗಾಗಿ ಮಾಡಿದ ನಿರ್ಧಾರವಾಗಿದೆ. ಈ ಮೂಲಕ ಒಬ್ಬ ಆಟಗಾರರಾಗಿ ಹಾಗೂ ಒಬ್ಬ ವ್ಯಕ್ತಿಯಾಗಿ ರೋಹಿತ್‌ ಅವರಲ್ಲಿ ಮತ್ತಷ್ಟು ಬೆಸ್ಟ್​ ಹೊರಬರಲಿದೆ ಎಂದು ನಾನು ಭಾವಿಸುತ್ತೇನೆ. ಕ್ಯಾಪ್ಟನ್​ ಜವಾಬ್ದಾರಿ ಇಲ್ಲದೇ, ಒತ್ತಡಗಳಿಂದ ದೂರ ಉಳಿದು ರೋಹಿತ್​ ಆರಾಮದಾಯಕವಾಗಿ ಕ್ರೀಡಾಂಗಣದಲ್ಲಿ ಹೆಚ್ಚು ರನ್​ ಗಳಿಸಬೇಕು ಹಾಗೂ ಆಟವನ್ನು ಮತ್ತಷ್ಟು ಆನಂದಿಸಬೇಕು ಎಂಬುದು ನಮ್ಮ ನಿರ್ಧಾರದ ಹಿಂದಿನ ಉದ್ದೇಶ" ಎಂದರು.

ಇದನ್ನೂ ಓದಿ: ಕಾರ್ಕಳ ಸರ್ಕಾರಿ ಆಸ್ಪತ್ರೆಯಲ್ಲಿ ಪ್ರಸೂತಿ ವೈದ್ಯರಿಲ್ಲ: ಉಡುಪಿ, ಮಂಗಳೂರಿಗೆ ಹೋಗಬೇಕಾದ ಅನಿವಾರ್ಯತೆ

ನಾಯಕತ್ವದ ಸವಾಲುಗಳು ರೋಹಿತ್ ಮೇಲೆ ಹೆಚ್ಚು ಪರಿಣಾಮ ಬೀರುತ್ತಿದೆ ಎಂದು ಒತ್ತಿ ಹೇಳಿದ ಬೌಚರ್, "ರೋಹಿತ್ ಒಬ್ಬ ಅದ್ಭುತ ವ್ಯಕ್ತಿ, ಟೀಮ್ ಇಂಡಿಯಾ ನಾಯಕನಾಗಿ ಮಿಂಚಿದ್ದಾರೆ. ಐಪಿಎಲ್‌ನಲ್ಲಿ ಕ್ಯಾಪ್ಟನ್​ ಸ್ಥಾನದಿಂದ ಹಿಂದೆ ಸರಿಯುವುದರಿಂದ ಅವರು ತಮ್ಮ ಆಟವನ್ನು ಇನ್ನು ಹೆಚ್ಚು ಆನಂದಿಸಲು ಅನುವು ಮಾಡಿಕೊಡುತ್ತದೆ ಎಂದು ನಾವು ನಂಬಿದ್ದೇವೆ" ಎಂದು ಹೇಳಿದರು,(ಏಜೆನ್ಸೀಸ್). 

https://www.vijayavani.net/tv-actress-once-earned-just-rs-50-struggled-lot-in-early-days