ಸಿಡ್ನಿ: ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ, ಸೂಕ್ತವಾಗಿ ಅಂಪೈರ್ ತೀರ್ಪು ವಿಮರ್ಶೆ (ಡಿಆರ್ಎಸ್) ತೆಗೆದುಕೊಳ್ಳಲು ಪದೆ ಪದೆ ವಿಫಲರಾಗುತ್ತಿರುತ್ತಾರೆ. ಇದಕ್ಕೆ ಮಂಗಳವಾರ ಮತ್ತೊಮ್ಮೆ ಸಾಕ್ಷಿಯಾದರು. ಸೂಕ್ತ ವೇಳೆಯಲ್ಲಿ ಡಿಆರ್ಎಸ್ ಪಡೆಯದ ಹಿನ್ನೆಲೆಯಲ್ಲಿ ಆಸೀಸ್ ಬ್ಯಾಟ್ಸ್ಮನ್ ಮ್ಯಾಥ್ಯೂ ವೇಡ್ಗೆ ಜೀವದಾನ ನೀಡಿದರು. ಇದು ಪಂದ್ಯದ ದಿಕ್ಕನ್ನೇ ಬದಲಿಸಿತು. ಮ್ಯಾಥ್ಯೂ ವೇಡ್ 35 ಎಸೆತಗಳಲ್ಲಿ 50 ರನ್ಗಳಿಸಿದ್ದ ವೇಳೆ ನಟರಾಜನ್ ಎಸೆದ ಇನಿಂಗ್ಸ್ನ 11ನೇ ಓವರ್ನಲ್ಲಿ ಎಲ್ಬಿಗಾಗಿ ಮನವಿ ಸಲ್ಲಿಸಲಾಯಿತು. ಆದರೆ, ಅಂಪೈರ್ ಭಾರತದ ಮನವಿ ತಿರಸ್ಕರಿಸಿದರು. ಈ ವೇಳೆ ತಕ್ಷಣವೇ ಡಿಆರ್ಎಸ್ ಮೊರೆ ಹೋಗುವ ಬದಲಿಗೆ ಆಟಗಾರರು ಮೈದಾನದಲ್ಲೇ ಚರ್ಚಿಸಲು ಮುಂದಾದರು.
